Page 14 - MIN SJA 3 MAART 2016

Telefon pa Hubentud no ta cera e yamada riba e muchanan y
nan por papia cuanto cu ta necesario.

Wednesday, 02 March 2016 21:44
Tweet
Comparti

E muchanan ta conciente cu e problema no ta algo cu nan no por soluciona, pero si nan kier wak con nan
lo por yuda of nan kier papia di con esaki ta afectando nan. Tur aña ta purba di bin cu un proyecto nobo.
E aña aki kier bin cu diferente proyecto pero semper ta duna charlanan tocante di tur tema.
Princpalmente e cinco temanan cu ta top cerca TPH, entre nan Termento, Sexualidad, Divorcio y
Relacion.

Telefon pa Hubentud no ta cera e yamada riba e muchanan y nan por papia cuanto cu ta necesario. Ta
duna charlanan riba positivismo, norma y balor y cualkier otro tema cu ta andando. tin un otro tema cu
ta Cyberbully cu ta toca tur cos cu tin di haber di social media y depende di e necesidad di unda ta bay. Ta
papia cu e scol prome of cu camp of centro di bario unda ta duna e charla y wak kico ta bibando bao di
nan y ta ahusta e charla segun e necesidad. Telefon pa Hubentud ta busca hunto cu e mucha un solucion.
Ta purba di wak si tin un persona di confiansa den nan netwerk, unda cu nan lo por acerca. Por ehempel
un juffrouw na scol of un tanta of na prome momento nan ta referi na mayor, mama of tata y si esey no ta
posibel, e ora wak ken den nan netwerk por yuda nan. Segun Bulos, Telefon pa Hubentud tey pa sostene
e mayuornan. Muchanan cu nan yama ta bay haya un informacion corecto. nan no ta bay haya un
informacion saca for di internet cu por ta no tin pia ni cabes, of di un amigo di nan edad, cu ta bay mal
influencia nan. E informacion di TPH ta corecto, ta papia cu hechonan y fuera di esey semper ta referi na
norma y balor di e mayornan. Ta puntra e muchanan kico mama of papa ta pensa y kico e mucha mes ta
pensa. Pa TPH ta hopi importante, norma y balor di e famia. Bulos a sigui splica cu TPH ta referi e
muchanan si nan ta hoben di edad cu nan mes por acerca e instancia, pero Fundacion pa Nos Muchanan
ta pa mayornan y Sociale Zaken mester tin 16 aña of mas a por haya ayudo riba su mes. TPH por conseha
e mucha cu e por busca yudansa na e instancia. TPH ta anonmo no por verwijs ningun hende. por bisa e
hoben unda pa bay, Bulos a termina.

http://www.24ora.com/local-mainmenu-5/105939-telefon-pa-hubentud-no-ta-cera-e-yamada-riba-e-
muchanan-y-nan-por-papia-cuanto-cu-ta-necesario