Page 9 - MIN SJA 3 MAART 2016

Fundacion Rietveld lo guia y supervisa Rietveld Academie
Aruba

Wednesday, 02 March 2016 19:23
Comparti

Presidente di e Hunta di Supervision di Fundacion Rietveld, Alex Nieuwmeyer ta un persona cu un
aprecio grandi pa arte y un carera grandi den turismo.
El a acepta e tarea pa forma parti di e fundacion cu lo percura pa e establecimento di Rietveld Academie
Aruba, cu lo brinda un opleiding di nivel HBO den "kunst en beeldende vormen" cu ta resulta tambe den
un titulo di Bachelor.

Den e proximo lunanan lo anuncia e fecha oficial di e apertura di e institucion nobo. Actualmente e
academia di arte estableci den e edificio monumental cu tabata antes e cas y negoshi di famia Brenchi
Arends ta ofreciendo un pre-programa na studiantenan cu ta desea di aplica pa studia arte na un
academia di nivel HBO den exterior. Cu e cambionan den futuro cercano, Aruba lo ta sede pa
studiantenan di exterior studia arte, banda di e studiantenan di Aruba mes.

E academia tin tres aña funcionando caba y aña pasa a dicidi cu mester establece un fundacion pa por
sigui amplia e opleiding y establece e opleiding oficialmente como un filial di Rietveld Academie di
Hulanda na Aruba.

Marianne Abath ta secretario di Fundacion Rietveld y ta contento cu e desaroyo rond di e expansion di e
oportunidad y posibilidad nan dilanti cu firmamento di e statutonan na notario.

Como miembro di e fundacion, Jerusha Rasmijn ta splica cu arte ta hopi importante na y pa Aruba y awo
por brinda oportunidad nan hobennan na Aruba cu ta gusta arte pa cuminsa nan carera aki. E no ta bon
pa Aruba so, pero pa e studiantenan di e region di Caribe cu ta desea di sigui den e direccion aki. Arte ta
hopi importante na hopi pais y esaki ta algo hopi grandi pa Aruba, Rasmijn a agrega. E ta contento pa ta
parti di e trayectorio pa establecimento di Rietveld Academie y wak e soño cu hopi hende tabatin pa hopi
aña wordo realisa.

Como miembro di e fundacion Rasmijn ta gradici Glenn Godijn y Alice van Romondt pa nan esfuersonan
grandi pa logra e fundacion y Rietveld Academie pa e isla. Tin hopi interes, y por wak con un pre-
program cu a cuminsa cu poco studiante a crece caba y ta brindando mas oportunidad cada dia na mas