Page 12 - MIN SJA 3 MAART 2016

No falta mucho Entusiasmo y reaccion pa loke ta Citgo Desk
ta enorme

Wednesday, 02 March 2016 20:55
Tweet

Comparti

Maart a habri y Minister Paul Croes a comenta cu a anuncia e apertura electronico di e Citgo Desk algun
luna pasa. Electronico den sentido cu na e momentonan aki tin un email disponibel pa nos comunidad,
unda personanan por yama, pero tambe manda nan curriculum pa si tin interes pa traha den e refineria
na momento di su reapertura. Interes directamente pa traha den e refineria, of sea cu un contractor of
subcontractor.

Ta asina cu e entusiasmo y e reaccion pa locual ta trata e Citgo Desk ta enorme. Dentro di poco, na
momento cu firma e acuerdo definitivo di participacion entre gobierno di Aruba y Citgo den e caso aki,
na momento cu termina tur negociacion cu Valero y tin e refineria y e compania di refineria di Aruba,
institui, despues cu firma e acuerdo cu Citgo, oficialmente lo anuncia e localidad fisico di e oficina aki. Pa
99% tin un localidad caba escogi na San Nicolas, den un edificio cu na e momentonan aki ta wordo
drecha, pa asina cu e accesibilidad pa henter comunidad, tur esnan cu ta interesa den wordo emplea pa e
refineria aki, por en todo caso haya un oportunidad, haya un enlace por medio di e oficina di servicio cu
ta brinda aki. Oficina oficial di gobierno, unda cu ta recomenda na e HR di Citgo, e companianan di
construccion, e companianan di contratista y subcontractornan riba e CV di e personanan cu ta manda
esaki. E entusiasmo di e Citgo desk ta asina grandi cu ta haya reaccion for di Vietnam, for di Trinidad,
Surinam, Saudi Arabia di Arubianonan, cu ta interesa pa bolbe bek nan isla y bin traha pa aporta asina
naturalmente na nan bienestar, pero na bienestar di nos comunidad. E intencion di e Citgo Desk aki, tin
personal di departamento di labor, conseheronan di Minister di labor tambe cu ta encarga cu tuma na e
momentonan aki tur e informacion cu nan ta ricibi di esnan cu ta interesa, pa despues ora cu tin un
apertura, bay y lobby pa e personanan aki por yega na un trabao y tin hopi di e personanan aki tin un
experiencia hopi amplio. Kisas solamente recomendacion lo ta suficiente. Esaki tin cu menciona, no ta
kita pa persona su mes, acerca e companianan aki na momento cu esaki ta definitivo. Ya caba den
diferente compania, contratistanan grandi, ya caba ta preparando pa un posibel reapertura, ta haciendo
adkisicionnan den un forma directo. Gobierno kier duna un apoyo den e proceso aki. Banda di e trabao di
apoya esnan riba mercado laboral di Aruba pa por yega na un trabao, un di e rolnan cu e Citgo Desk aki
lo bay tin tambe ta pa hunto cu departamento di Imigracion, integracion y stranheria, hunto cu
departamento di labor y e ministerio di energia, por canalisa procesonan pa na momento cu tin
peticionnan pa permisonan di afo, companianan bin cu expertonan, specialisa den cierto trabaonan, por
mira, por match na e momentonan ey, kico ta e cantidad di persona local cu tin den e sistema, pero cu e
input den e caso aki di expertonan energetico, expertonan di refineria, por bisa cu Aruba tin tanto di dje,
pero falta un cantidad pa finalisa of haci un proyecto y e Citgo Desk ta apoya e ora e proceso di canalisa e
permisonan, manera tabata caso tambe tempo di Coastal, tempo di Valero, tabata tin un protocol firma
entre Valero y e organisacionnan di gobierno, pa asina por canalisa e permisologia un tiki mas rapido y
no mester bay por medio di henter e canal di permiso general. Kier haci esaki pa motibo cu tin
comprendi cu na momento cu mester por ehempel personal urgente, algo sosode y mester fly nan in
urgentemente, mester un proceso banda di e proceso usual, cu tin na e momentonan ak pa asina bo no