Page 15 - bon-dia-aruba-20220503

A15
SALUD Diamars 3 mei 2022

A ricibi un cantidad record di reportahe di discriminacion na personanan

cu discapacidad of malesa cronico

(NLTimes) - Aña pasa, Netherlands Institute for Hu-
man Rights a ricibi un cantidad record di kehonan y
preguntanan tocante trato desigual, cu 5286 reportahe.

Casi mita di esakinan ta considera discriminacion segun e ley.
Mayoria tabata relaciona cu discriminacion y ta relaciona cu
discapacidadnan y malesa cronico, cual tabata e caso durante
e 5 añanan aki.
E instituto a ricibi casi 600 reportahe di racismo. Mas di 450
persona a entrega keho y pregunta pa motibo cu nan a sinti
discrimina a base di nan genero. E Discrimination Monitor a
nota 2328 reportahe di persona cu a sinti cu nan tabata victima
di discriminacion di parti di gobierno pa causa di e introduc-
cion di e coronavirus access pass. Segun e ley, e reportahenan
aki no por ser mira directamente como discriminacion. En
total, 2837 di e kehonan no a cumpli cu e criterio di discrimi-
nacion.

E Pandemia a haci cu e situacion a empeora pa hendenan cu
deshabilidad y malesa cronico, e Instituto a bisa. Specialmente
nan tabatin dificultad pa haya trabao, educacion of un cas. E
Discrimination Monitor a menciona ehempel di persona cu
no por a bisti un tapaboca of haya nan vacuna pa causa di un
deshabilidad y pa e causa aki a enfrenta problema relaciona cu
e access pass di coronavirus.

Ademas, e eleccionnan parlamentario no semper tabata ac-
cesibel na hendenan cu deshabilidadnan. 77 mayor a entrega
keho pa motibo cu nan yiu no tabata ricibi sosten apropia na
scol. Discrimination Monitor a menciona un ehempel den
cual un homber cu tabata paralisa y no por a firma a keda forsa
di haci esaki di parti di un compania di seguro.
“Gobierno ta faltando algo aki. Nan mester haci mas pa de-
termina cu companianan mester yuda hendenan cu deshabi-
lidadnan pa asina nan por haci uso di servicionan y produc-
tonan,” Jacobine Geel, di Netherlands Institute for Human
Rights a declara. “Esaki no ta un fabor, sino un obligacion di
gobierno cu ta resultado di a firma e UN Disability Conven-
tion.”

Varios keho di racismo a ser entrega tambe despues di e scan-
dal di bijstand. Hendenan tabata sospecha cu nan a ser husga
pa nan etnicidad, por ehempel, di parti di municipalidadnan
ora cu nan aplica pa beneficio di asistencia social. E monitor
a menciona un incidente den cual un empleado di construc-
cion a reporta un incidente bisando “mi colega y ami tin cu
haci tur e trabao duro. E lider di proyecto, hefe y supervisor
ta trata nos diferente compara cu e otro coleganan. Ami y mi
colega ta e unico persona cu tin un color di piel diferente,” e
empleado a bisa.

“Afortunadamente, combati racismo ta halto den e agenda,
pero te ainda nos tin un caminda hopi largo pa cana aki na
hulanda,” Geel a bisa.