Page 65 - AVP

Parlamentario Marisol Lopez-Tromp (POR) Cu

Preguntanan Al Caso Pa Minister Rudy Lampe Riba

Enseñansa Ta Di Spera Di Haya Contesta Por Escrito

Y Pronto

 Local
- 03/12/2019

Lider di fraccion di POR den Parlamento, drs. Marisol Lopez-Tromp a atende cu e tema
di enseñansa durante e conferencia di prensa di e fraccion. El a indica cu recientemente
Comision Fiho di Enseñansa den Parlamento tabatin un reunion cu Minister di
Enseñansa, Armando Rudy Lampe unda diferente pregunta di interes a bin dilanti.

Lopez-Tromp no a logra a haci tur e preguntanan debi cu e tempo poni p’e reunion no
tabata suficiente pa haci tur, a palabra cu lo a manda esakinan por escrito n’e mandatario
p’asina e por haya e contestanan corespondiente.

Durante e encuentro cu prensa e Parlamentario di POR a trece dilanti algun di e
preguntanan cu e lo dirigi na Minister Lampe.
Un di esakinan ta riba e tema di muchanan cu ta keda sinta. Por a compronde cu e
mandatario di Enseñansa a dicidi cu e muchanan no por keda sinta mas.

Teniendo na cuenta e decision aki, Lopez-Tromp ta bisa cu ta reina un preocupacion con
esaki ta bay ta den e parti di planificacion, kico e ta bay nifica p’e klasnan y tambe con e