Page 66 - AVP

lo funciona den practica. Tambe e lo desea di haya sa si Departamento di Enseñansa y
Inspeccion di Enseñansa ta sostene esaki?

Den mesun cuadro, Minister Lampe a bisa tambe cu no lo tin bespreekgevallen mas, cu
esaki lo wordo aboli. Aki tambe Lopez-Tromp lo desea di sa con lo implementa esaki den
practica y si maestronan ta cla pa implementa esaki?

Un otro pregunta presenta pa Parlamentario di POR ta riba e hecho cu Minister Lampe a
informa cu lo bin cu scolnan Montesori na Aruba.

E ta considera e sistema aki uno hopi positivo cu a wordo implementa exitosamente na
diferente parti di mundo. Na Aruba nos conoce algun scol priva cu ta uza e sistema
Montesori, pero mirando e declaracionnan di e mandatario, e lo desea di sa si lo por
garantisa cu lo tin suficiente maestro educa y califica pa ehecuta e sistema educativo aki?

Igualmente cu si lo implemente den scolnan publico lo tin e fondonan pa busca e
materialnan specifico di e metodo aki?

Un siguiente pregunta di Marisol Lopez-Tromp ta toca e tema di un investigacion haci
riba e situacion real di e studiantenan di Aruba na Hulanda, kico ta bay bon y kico ta bay
menos bon cu nan? Ta menciona p.e. e situacion di vivienda,cambio di estudio, depresion
y hasta intento di suicidio.

Ta trata di temanan cu mester di hopi atencion y pa tal motibo e ta puntra Minister Lampe
kico a haci cu e raport aki y cual t’e pasonan cu a wordo tuma pa yuda nos studiantenan
riba e tema aki?

Situacion di escases di docente tambe a haya e atencion di Lopez-Tromp y ta puntra e
mandatario kico e tin planea of a haci caba pa resolve e situacion aki den un forma
structural?

Tambe el a puntra tocante e precupacionnan cu ta andando entre maestronan di Colegio
San Nicolas, si Minister por duna un resumen di su ultimo reunion cu nan y ki solucion el
a presenta?

Docentenan ‘onbevoegd’ (no autorisa legalmente) ta un practica contra ley pa tuma lugar
den scolnan primario.