Page 68 - KPA

Minister Arthur Dowers: Bo por drenta drenta y sali for di
prison conforme loke ta stipula den ley

Monday, 26 June 2017 19:53
Comparti

Minister Arthur Dowers a splica cu a sali publicacion riba Facebook unda ta wordo bisa cu e minister ta laga hende
sali di prison y cu esey lo tin un interes politico den dje. Ta hopi interesante pasobra e tin ocho aña como minister di
husticia y e tin ocho aña ta firma pa hende sali di prison.

Ta e ta responsabel, ta obligacion di e ministerio di husticia pa firma pa un hende cu ta sali for di prizon, na
momento cu e haya su VI. Por sali for di prizon den tres manera. Tur manera ta drenta prizon. Pero ningun hende
por drenta prizon zomaar. Ora bo drenta bishita un dia bo ta haya un pas, of ora cu ta traha naturalmente. Pa drenta
y sali for di prison ta stipula pa ley. Minister di Husticia no por coy ningun hende hinda den prizon, sino lo bay tin
mester di dos. Tampoco no por saca zomaar un hende for di prizon. Ora cu caba di sinta castigo, e ora bo por sali for
di prizon. Tin dos manera den ley stipula, cu por haya un VI, un korting di un tercera parti di bo castigo y bo ta hay’e
unicamente un descuento den bo castigo a base di bo comportacion… Si bo comporta bo mes bon den prizon y sinta
dos tercera parti, e ora minister di husticia ta pidi conseho y e ora si e haya un bon conseho, por sali. E otro ta, cu si
prizon ta completamente yen. Ultimo tempo a cera hopi hende. Tur hende cu faya ta bay KIA hopi yen y tambe tur e
celnan di polis ta yen. Ta core risico cu si awor aki pasa algo, si prizon ta yen y si tene hende mucho largo den cel di
polis, e por bay hues y hues por bisa e persona cu caba di comete crimen, por bay riba caya, sin cu su proceso
cuminsa. Ta scoge pa mayoria parti, logicamente si un hende a haci algo chikito, no necesariamente ta cer’e. Pero
esnan cu comete actonan grandi, manera atraco, of un otro tipo di delito cu tin impacto grandi riba propiedad of riba
e fisica di un hende, ta scoge pa tene nan den detencion, segun Minister Dowers.
Minister Arthur Dowers a splica cu esnan cu ta cay sera y ta di afo na final ta wordo expulsa ora nan ta casi caba nan
castigo. Un hende cu a sinta su tercera parti di su castigo, ministerio di husticia tin e autorisacion legal pa lag’e bay.
Sa haci esey principalmente cu e hendenan ta cu ta bin di pafo, pero un dado momento esnan cu ta bin di pafo, a
expulsanan tin biaha pa bida y no por bin bek Aruba. Un hende cu tabata tin un firma liber, un hende cu ta bin como
turista, ta expulsa nan. No ta tene cuenta cu nan tin chens pa bay regla nada, nan tin cu bay. Esunnan cu a expulsa,
esnan cu ora prizon ta yen, ta esnan mas cerca di a caba di sinta nan castigo. Esey ta un cos cu ta pasa cada tanto
tempo. Awor aki a laga algun local tambe bay, pasobra e prizon ta yen. E no ta esun cu ta scoge traha lista kende ta e
preso cu ta wordo laga liber segun minister Dowers. E ta un lista cu ta existi basa riba e hecho di con largo ta den
prizon y cuanto castigo a haya. E hendenan ey ta bin na remarca bao di un condicin. Bo ta sali y bo no por comete
ningun crimen mas y nan por sali for di prizon. E storia cu a tende den e ultimo dianan cu ta laga nan sali pasobra
nan ta vota pa Dowers.
Dowers ta corda eleccion pasa, MEP a haya mayoria voto den prizon. Mayoria hende den prizon no ta vota pa
Dowers. Awo cu a haci hopi trabao den prizon, por ta awo nan ta vota pa e minister, pero e meta di un minister di
husticia ta, pa tene bo pais safe naturalmente, y mester mantene ley tambe. Dowers no tin ni polis ni hues, por dicidi
riba nos mes kico nos kier haci. Loke por haci ta unicamente basa riba loke ta stipula den ley. Ta importante ta pa
contraresta e storianan aki. Bo por drenta y sali for di prison como criminal, conforme stipulacion den ley y ningun
otro manera, segun minister Arthur Dowers.