Page 73 - KPA

Watty Vos Boulevard lo duna Aruba e posibilidad pa crea un
backbone cu por traha cu e fluho di auto mas miho

Monday, 26 June 2017 18:32
Comparti

Tin hende ta mira trabaonan ta andando riba Watty Vos Boulevard y tin hende ta contra. Por ta nan no sa
e importancia di un caminda manera esaki. Nan ta wak’e simplemente como un caminda nobo. DOW ta
traha mas cu vision y cu plan. Segun director di DOW, Marlon Croes, loke ta trata Watty Vos Boulevard
of Ringweg 3, tin mas of menos 40 aña den planning.

Ta un proyecto cu lo tin cu duna Aruba e posibilidad pa por crea un infrastructura, un backbone cu por
traha e fluho mas miho, entre e parti pabao di e isla, cu e parti p’ariba di e isla. Si djis por relata un rato,
cu awor aki tin e parti di smith boulevard dilanti di bestuurskantoor dilanti cas di gobernador bay
direccion di Citgo Boulevard, constantemente den fila riba e area aki y si wak tambe e ruta di
Vondellaan/De La Sallestraat/Prof. Lorentszstraat, tin trafico eynan tambe cu ta pega y tin diferente scol
ubica riba e caretera aki, bo ta mira cu e trafico ta move bay uza Kibaima/Tanki Flip, pasa door di Santa
Cruz, Piedra Plat, Paradera, Tanki Leendert, Tanki Flip, tambe ta congestiona durante oranan di mainta,
merdia y atardi y ta ripara cu tin un tendencia cu no ta separa rush hours mas. El a cuminsa congestiona
riba un base mas structural y tambe por ripara e comportacion cu e trafico ta cuminsa verschuif bay haci
uzo di Jaburibari, Calabas, Kudawecha, Sabana Liber pa bay direccion di Noord. Tur e camindanan cu tin
aki, ta basta congestiona y si analisa algun cifra, na Aruba tin ongeveer 77 mil auto. Tin 110 mil habitante.
Esey ta nifica cu tin un indice hopi halto di carownership. Djis pa haya un indicacion con ta midi nos mes
cu paisnan grandi, si coy por ehempel New York, London, Hulanda, e indice di carownership, ta hopi mas
halto cu e paisnan aki.

Esey ta nifica cu nos ta un isla chikito, pero cu tin problemanan di ciudadnan grandi. Bisando esey, e
ringweg 3/Watty Vos boulevard, ta duna e habilidad pa fluha e trafico for di aeropuerto, direccion di
Codemsa, pasa patras di San Barbola, drenta Sero Patrishi, bay Tanki Leendert, Ponton, Bushiri, Madiki
y tie in riba e crusada di Sun Plaza/Guardian Life, cu den un 4 lane, loke ta haciendo awor aki cu Green
Corridor, ta bay crea un infrastructura cu por fluha hopi mas trafico, hopi mas capacidad, unda cu ta bay
elimina e congestionamento den Oranjestad, pero tambe ta bay duna e trafico un ruta alternativo, enbes
di bay core Vondellaan/Driemasterstraat, e otro trafico cu ta core di Kibaima/Tanki Flip y esunnan cu ta
core Jaburibari/Kudawecha, un ruta alternativo cu por sub’ie na Cumana, nan por subi’e na Sero
Patrishi, nan por subi’e na Tanki Leendert, nan por subi’e na Ponton y fluho bay den direccion mas facil.
E ta bay ta alivia, no solamente un caminda, pero e ta bay duna full e red di infrastructura un boost, na
capacidad cu por fluha mas trafico na un manera mas safe.