Page 70 - KPA

Prensa a puntra Minister Arthur Dowers riba e expresion di
su colega Paul Croes relaciona cu Ministerio Publico su forma

selectivo di duna informacion na prensa

Monday, 26 June 2017 22:07
Comparti

Durante conferencia di prensa a mustra minister di husticia Arthur Dowers cu su colega Paul Croes a
mustra cu ora tin detencion den e investigacion den su caso ta tende ministerio publico bisa cu tin
detencion.
E mandatario cu ta wordo investiga a bisa cu Ministerio Publico ta traha den forma selectivo. Ora laga e
hendenan bay algun dia despues no ta tende nada. Minister Arthur Dowers a splica cu e mes no tin
conocimento di e keho cu tin. E no por bay specifico riba e reclamo di e caso aki. Si por bisa cu Ministerio
Publico ta responsabel pa e forma cu nan ta comunica na comunidad, si ta trata di detencion of laga un
hende bay, primeramente ta responsabilidad di hoofdofficier y e ta bao di responsabilidad di Procurador
General. Nan ta hiba un maneho di comunicacion. A papia esaki no solamente cu Ministerio Publico,
sino tambe cu Corte di Husticia, cual ta funciona independiente. Esey no kiermen cu no ta intercambia di
idea. Y tambe cu e bestuur di corte, cual e minister a yega di bisa cu e comunicacion mester ta hopi mas
amplio, pa splica dicon ta yega por ehempel na un detencion of na un cierto castigo. Pasobra cu ta
importante pa e comunidad compronde.
Ora cu e minister cana den comunidad, hopi hende ta bis’e cu nan ta haya cu mester tin castigonan mas
halto. E minister no ta esun cu ta duna castigo, ni cuerpo policial, ni ministerio publico. Kiermen e ora
ey, ta esunnan cu ta duna castigo mester duna. Tin caminda nan ta haci’e masha bon mes, cu hende ta
compronde tambe.
Specificamente, den loke ta momento cu laga un hende bay, esey e minister no por bisa e comunicadonan
di ministerio publico pa esaki. E minister no por atende cu e keho specifico cu e no tin conocemento di
dje. Loke cu si e por haci y cu ta parti di e maneho di ministerio publico, na momento cu e procurador
general a bin nobo na Aruba, a papia di e parti di comunicacion den comunidad y e procurador general lo
comunica mas amplio. A mira un cambio pa loke ta comunicacion for di ministerio publico. Awor nan ta
comunicando mas cu comunidad esta cu prensa. Tin di compronde tambe for di prensa cu nan no ta
satisfecho cu e comunicacion. Nan trabao ta complica pasobra no tur ora por duna suficiente informacion
pa tene prensa y comunidad satisfecho, sin cu bo ta divulga informacionnan cu bo no kier pa sali den
cierto fase di un investigacion. Esey ta keda na ministerio publico, na e fiscal y na e teamnan cu ta haci
investigacion, ki momento, ki informacion y cuanto informacion nan por duna, segun e Minister.