Page 14 - MIN SOC 13 NOV 2015

32 AWEMainta Diabierna, 13 November 2015

Fundaçao Social Fiesta di San Martin ta un fiesta tradicional Portugues cu ta wordo
Cultural Portuguesa celebra como e dia di biña nobo, e dia di purba e biña Portugues.
ta celebra Fiesta di Un fiesta cu ta conoci y ta wordo festeha en grande na distrito di
San Martin San Martin situa na costa sur oeste di capital Madeirense yama
San Martin cu ta conecta e centro di Funchal Madeira y ta di e
”conseho” di e distrito Camara de Lobos. E fiesta di San Martin ta
un fiesta principalmente celebra na Portugal y Madeira na luna
di november.
E fiesta aki ta presenta diferente tradicion Lusitana unda tin
baile Portugues, cumindanan tipico y sin laga afor e “tasting” (e
purbamento) di e smak di e biña Portugues cu a ser cosecha durante
e luna di augustus y september.

E fiesta di San Martin ta asocia cu un espirito di convivencia y
di solidaridad reforzando e lasonan di amistad entre amigo y
famianan. E santo “Patrono” di e produccion di biña e dia aki ta
San Martin, un soldad Romano, riba un dia cu tabata haci hopi
frieu Martin a encontra un mendigo cu tabatin hopi frieu y malo
y e mendigo a pidi’e yudansa. Como un bon soldad Martin a kita
su capa y a duna e mendigo pa protehe di e frieu di ripiente e frieu
a bay y e tempo a cuminsa bira mas calor y enberdad t’asina el a
sosode.

Celebracion
Na Aruba tambe ta celebra e dia aki en grande e aña aki diadomingo
15 di november awor na Fundacion Social Cultural Portugues
mihor conoci como Club Primavera of Club Portugues. Directiva
actual ta preparando e fiesta tradicional aki en grande, como parti
di e celebracion lo tin algun artista invita. Ricardo y Sandra, 2
ruman cu ta celebra nan di 2 decada di careda artistico lo deleita
e publico e diadomingo aki. Parti di nan trabou y nivel musical
artistico cu e 2 hoben empresarionan ta den desaroyo continuo.

Ricardo ta publicitario y Sandra ta periodista y locutora. Como
parti di e celebracion di nan 20 aña nan ta bishitando diferente
pais caminda Portuguesnan ta biba. Den luna di november ta
toca nos isla Aruba y nan ta bin celebra hunto cu e comunidad
Portugues na Aruba y duna nan presentacion como aprecio n’e
Cultura y e idioma Portugues. Directiva di Fundacion ta extende
un invitacion na pueblo di Aruba cu ta encanta e cuminda , biña y
musica Portugues pa bin gosa di un anochi ameno.

Cuminda y Bebidanan tradicional Portugues
Como parti di celebracion aki no por laga afo cuminda nan tipico,
y tradicionan, for di 4or di atardi lo tin oportunidad pa bin purba
e plato principal Madeirense cu lo ta “Espetada Portuguesa”,
acompaña cu dushi Bolo do Caco. Tambe “Bacaloa a Portguesa”,
sopi tipico Portugues manera caldo berde. Lo tin bazaar pa ofrece
cosnan dushi Portugues como “Bolo de mel”, “Broas” y hopi mas,
lo tin benta di Musica Portugues, Bandera y diferente souvenir.Y
parti principal di e fiesta aki t’e purbamento di biña, lo bay tin
diferente biña Portugues y Madeirense disponibel.

Invitacion
Directiva kier a haci un invitacion personal na tur su miembronan,
comunidad Portugues y Madeirense y tambe pueblo di Aruba en
general pa bin diadomingo awor na Club Primavera pa bin celebra
e gran Dia di San Martin cu lo cuminsa for di 4or di atardi entrada
ta gratis. Nos lema como directiva ta pa mantene Bibo e Spirito y
Cultural Portugues demostrando cu unda tin un Portugues eynan
Portugal ta, y Portugal ta na Aruba.