Page 11 - UTILITIES
P. 11
Diabierna, 11 Mei 2018 AWEMainta 13
Minister mr. Xiomara Ruiz-Maduro ta elabora riba cambio di prijs di productonan petrolero
“Gobierno anterior no a laga espacio financiero
pa absorba aumento di prijs di gasolin”
PRIJS di crudo riba mercado internacional
a subi y esaki tin su consecuencianan pa nos
pais Aruba. Durante reunion den Parlamento
caminda a trata Presupuesto 2018 Minister di
Finanzas, Asuntonan Economico y Cultura mr.
Xiomara Ruiz-Maduro a trece dilanti cu prijs di
gasolin lo bay subi e luna aki.
E mandatario a splica cu pa locual ta e desar-
oyo di prijs esaki a bin ta subi. Si wak e desar-
oyo di prijs di gasolin di e periodo 2011-2017,
por bisa cu mayoria biaha lunanan di februari,
maart, april y mei, e prijs di gasolin ta subi. Pa
locual ta e lunanan juni, juli y augustus e prijs
ta varia hopi, esta subi y baha un tiki. Na luna
di september y october e prijs ta cuminsa baha.
Tin varios factor cu ta influencia e prijs, locual
ta pasando riba e mercado mundial, locual ta
pasa na Venezuela y e escases di petroleo cu es-
aki ta trece cune, tur ta hunga un rol riba e pri-
js. Mester bisa cu pais Aruba na e momentonan
aki no tin espacio financiero pa absorba ningun
subida di prijs di gasolin. Esaki ta debi na e
situacion financiero cu e Gobierno di Eman a
laga nos pais aden.
Den un situacion asina ora cu prijs subi riba
mercado internacional, esaki tin su consecuen-
cia pa e prijs di benta na Aruba. E mandatario
ta trece dilanti cu a duna instruccion na Depar-
tamento di Asuntonan Economico (DEZHI) pa
nan sinta cu Refineria di Aruba (RDA) pa mira
e posibilidad, awor cu tin Citgo Aruba como
importador nobo di productonan rafina, pa por
haci calculacionnan nobo cu kisas por beneficia
e consumidor
“Pueblo un bes mas ta experencia pruebanan cu
e mal maneho financiero di Gobierno anterior
di AVP a haci hopi daño na pais Aruba.” Min-
ister Xiomara Ruiz-Maduro a trece dilanti cu e
Gobierno nobo lo sigui traha pa yega na solu-
cion y beneficionan pa e pueblo consumidor.
