Page 14 - UTILITIES
P. 14
Danki na e 2 faktornan lokal aki na Kòrsou no opstante akuerdo di PARIS adoptá na
kabamentu di 2015 nos tambe ta sigui kontribuí na e destrukshon di kapa di Ozòn di
mundu ku ta protehé nos di laga rayonan solar drenta mundu di tal forma ku e ta trese
kuné “Kalentamentu Global” i esaki opviamente tin 2 konsekuensia direkto pa
Naturalesa: 1. Kapa di Eis di mundu ta smèlt na velosidat haltu, kousando subida di nivel
di awa, kreando tambe e fenómeno di sunami i
teremotonan debí na movementu di e ‘plateau’nan bou di oséano 2. Oséano
mundialmente su temperatura ta kambiando pa mas kayente dor ku e rayonan di solo ta
yega ku ningun restrikshon (no tin kapa di ozòn pa protehé mundu) P’esei awe na 2017
tur lokual ta forma den oséano pasífiko ost na kosta di Afrika i ta krusa Atlántiko ta hasi
esaki ku mas fervor i sin pordon. Ken su falta? nos mes, kiko nos ta hasiendo? nada, nos
ta papia hopi i hasi nada, tur aña nos ta bai Nashonnan Uni pa papia den Asamblea
General over di Kambio Klimatológiko miéntras ku na kas nos mes ta stroba Energia
Renovabel ku impuestonan introdusí pa Gobièrnunan loko den nan kabes, ku no por a
pensa nada otro ku introdusí un belasting riba solo (zonbelasting) pa yuda
finansieramente un kompania di Gobièrnu mal manehá pa mas di 30 aña. Kiko mester
hasi pa frena kambio klimatológiko? Kita tur opstákulo ku Gobièrno a
introdusí ku ta stroba komersio i abitantenan di Kòrsou di hasi uso di benefisionan ku
naturalesa ta duna nos pa hasi uso di energia renovabel na gran eskala i kambia awe na
gasnan natural pa opera nos refeneria. (Unda nos por haña gas natural? Colombia –
Trinidat óf Venezuela esaki no ta un sekreto públiko)
