Page 13 - UTILITIES

Un orkan ta nase ora tin 3 kondishon presente:

1. Awanan kayente,

2. E awa su temperatura ta mínimo 80 grado Fahrenheit,

3. E awa kayente ta logra sirbí komo energia pa gran kantidat di awa

evaporá for di e laman i airu nobo drenta i reemplasá e otro (kreando asina e efekto di e

Orkan ku ta move i sigui krese). Orkan lo sigui forma riba laman Atlántiko òf for di e

laman Pasífiko ost, manera motornan gigante ku ta usa e kalor i e airu húmedo ku ta e
gasolin pa e orkan sigui krese, p’esei nan ta forma den nos area, riba laman nan kayente

serka di e zona di e Equator di mundu. Kòrsou tin añanan ta bende su mes komo un isla

pafó di e área di Orkan riba diferente nivel den nos promoshon nan, aunke nos ta hasi

esaki den bos abou e realidat ta ku nada no lo kambia si nos no aktua diferente. 2 faktor

pa kambio klimatológiko ku ta yuda destruí kapa di Ozòn (sin kapa di ozòn rayonan solar

ta penetra mundu i kalentá esaki) ku nos komo Kòrsou tambe ta sigui aportá i pa straño

ku por zona nos no ke kambia esaki pa nada di mundu ta:

1. Produkshon di Energia Fosil ku chimeneanan di plantanan diesel rònt Kòrsou enbes di

Energia
Renovabel, terenonan di kompania di Gobièrnu for di 2008 (ku mas di 80 kònteiner di

Agrekko) ta
emití gasnan ku ta destruí kapa di ozòn.

2. Nos refineria ku for di aña 1915 pa motibunan di ingreso ekonómiko di abundansia

inmenso pa kompanianan ekstranhero pa mas di 100 aña ku a kontribuí pa destrukshon di

e kapa di ozòn aki i polushon riba nos isla den gran eskala. Ketu bai awe den 2017 no

opstante di estudionan i palabrashonnan konkreto pa kambia e fuel ku ta usa pa kima i

produsí produktonan derivado for di petroli na e refineria awe nada no a kambia ainda.