Page 98 - MIN VOS

CUIDO PROPIO KICO BO

MES POR HACI PA

RECOBRA BO SALUD?

ORANJESTAD, Aruba

Aruba tin un cuido di salud bon regla. Tur hende tin acceso na un docter di cas y via un carta di dje

(verwijsbrief) na e specialistanan. Tambe nos tin acceso na un hospital moderno.

Henter comunidad ta responsabel pa mantene e sistema di cuido medico aki, pa asina garantisa su
existencia, su calidad y su desaroyo continuo den futuro. Cada ciudadano ta contribui na e sistema di

cuido medico, pesei como ciudadano ta importante pa bo haci uso di dje concientemente.

Cada adulto ta responsabel pa su propio salud. E mayornan ta responsabel pa salud di nan jiunan.
Den bida nos a siña con nos por cuida nos salud cu varios custumber y medida crioyo, esta loke nos
conoce tambe como remedi di cas.

Si nos ta sinti cu nos tin algo cu un docter por traha miho, anto e ora ei nos tin cu bai nos docter di
cas. Tambe ora nos no sa kico pa haci, nos por dicidi di busca conseho cerca nos docter di cas.