Page 99 - MIN VOS

Realmente hopi hende sa trata varios keho y sintomanan sin acudi na un docter. Esaki nos ta jama
cuido propio (na Ingles selfcare y na Hulandes zelfzorg). Cuido propio ta encera, e habilidad pa
dicidi na cua momento mester bai docter.

Tin Conseho:

1. Con pa reconoce e señalnan di e molester y malesanan mas comun;
2. Tocante kico abo mes por haci pa alivia esakinan;

3. Ki ora ta consehabel pa busca ajudo di bo docter di cas na su consultorio.

Ta consehabel pa, prome cu bai docter, bo pensa riba kico bo ke papia of kico bo ke puntra. Scirbi
riba un papel y bai docter cune.

Si bo tin varios keho of pregunta, notifica docter esey, ora bo haci un cita.

Esaki ta puntonan cu bo mester pensa riba nan prome cu bo bai cerca docter:

Cua ta e rason principal cu bo ta bai cerca docter?

For di ki tempo bo tin keho of for di ki tempo e kehonan a bira pio?

Cua ta e remedinan cu bo ta usa? Scirbi e nombernan of, si ta necesario, bai cu e remedinan cerca
docter. Esaki ta conta tambe pa remedi cu bo mes a cumpra na botica, manera remedi contra dolo,

laxante, jerba etc.

Si bo ta di opinion cu bo keho (nan) lo por ta relaciona cu uzo di cualke remedi, no vacila pa bisa
docter esey. Docter por controla esei mesora.

Si bo ta di opinion cu bo keho (nan) lo por ta relaciona cu malesa of afeccion di antes, bisa bo docter

esei mesora. Si bo ta di opinion cu bo sa cua ta e causa, notifica esei tambe.

Tin circunstancia den bo bida priva cu por tin influencia riba e keho?

Si bo jiu tin keintura, percura pa bo midi su temperatura di antemano.

Prome cu nos sera e seccion aki pa awe E Arubiano kier pone atencion riba e parti di duna
prome auxilio simpel.