Page 38 - Extra

38 Djabièrnè 11 Mart 2016

Kontinuashon di pagina 4
TRATADO KU CUBA...

Palm a bisa ku e sektor ta
hopi optimista ku e tratado
aki lo habri hopi posibilidat
pa e sektor finansiero
internashonal pa asina
brinda servisionan nobo na
nan klientenan.

Mas aleu el a bisa ku
komo organisashon nan
ta sostené e pensamentu
di minister Jardim pa
Kòrsou tin mas tantu
tratado posibel. For di
2008 ku tabatin e krísis
finansiero rònt mundu
ta eksigí transparensia i
otro formanan di partisipá
den transakshonnan i
gremionan internashonal.
Kòrsou ta demostrá ku
e tin tratado ku diferente
pais. Minister Jardim a sera
algun tratado e aña aki ku
ta pone Kòrsou riba e mapa
internashonal, esaki ta
habri e posibilidat pa hasi
negoshi ku paisnan sin
problema.

Palm a felisitá minister
Jardim ku un logra hopi
grandi pasobra ni Ulanda
no tin un tratado asina
ku Cuba. Lo a ferwagt ku
un pais manera Ulanda lo
tabata mas lihé pa hasi algu
asina.

E representante di
sektor privá ta sumamente
kontentu i ta wak e futuro
di e sektor finansiero
internashonal ku hopi
optimismo despues di e
logro aki.

Kontinuashon di pagina 2
TRAHADONAN ...

ekspreshonnan di
direktor di AAV Mike Willem
a kaba di yena e hèmber ora
el a bisa ku kontratistanan
lo ta konsiderá pa kita tur
trahadó i tuma nan pa kada
trabou separá i despues
manda nan kas bèk.

Esaki a trese hopi
malkontentu.

Den dos siman
trahadónan ke pa tur
kontratista manda
informashon opa Isla pa e
pago di lumpsum por tuma
lugá. Pa loke ta trata e CAO
tin un ultimatum te djaluna
12’or pa AAV hala su karta
aden i sinta na mesa i
negoshá un CAO nobo. Si
pa djaluna atardi no tin
un kontesta positivo lo bai
akshon djamars mainta.