Page 41 - Extra

Djabièrnè 11 Mart 2016 41

SHARE2UPLIFT
TA KAMBIA PA

WEBINARS

WILLEMSTAD.-
E organisashon
Share2Uplift ta suspendé
su konferenshanan físiko
i ta kontinuá, totalmente
konforme e époka akí di
avansenan teknológiko, di
un manera digital.

E organisashon ta
anunsiá esei. A suspendé
e konferensha programá
pa 18 di mart próksimo i
na su lugá pronto e promé
Share2Uplift ‘wèbinars’
ta ranka sali. Segun
Ivan Kuster, promotor di
Share2Uplift, esaki ta un
paso lógiko ku ta hasi e
kontenido aksesibel pa un
públiko mas amplio i na un
preis atraktivo.

Wèbinars ta
seminarionan ‘live’ riba
Internet i Share2Uplift ta
skohe pa kompartí tayer,
charla i presentashonnan
riba tereno di desaroyo
di liderazgo pa medio
di e método akí. Segun
Kuster e grupo di meta
di Share2Uplift ta hopi
fuerte desaroyá riba tereno
digital. “Wèbinars, tantu
bibu i direkto komo riba
demanda, ta kuadra mihó
ku konsumidónan digital.
Esei no ta kita sí ku den
futuro i ratu ratu nos por
organisá enkuentronan
físiko.
Fin di aña pasá e
promé konferensha di
Share2Uplift tabata un
gran éksito.

Share2Uplift ta un
plataforma pa tur hende
ku ke haña sugerensianan
práktiko pa mehorá nan
kualidatnan di liderazgo. E
organisashon ke empoderá
un ret di persona pa nan
keda kontinuamente
embolbí ku desaroyo di
liderazgo.

Asina ta traha
aktualmente riba un
vidioteka kaminda
modelonan di liderazgo
lokal konosí, ta kompartí
nan éksito ku otronan.
Na opinion di Ivan Kuster,
invertí den desaroyo
permanente di liderazgo ta
na interes di komunidat.

E ta konvensí ku mester
invertí kontinuamente den
e siguiente generashon
di lider i ku desaroyo
di liderazgo mester
ta aksesibel pa un i
tur ku ke mehorá nan

Sigui lesa pagina 43