Page 42 - Extra

42 Djabièrnè 11 Mart 2016

PLANIFIKASHON
PA EMPRESA

GRANDI I CHIKI
WILLEMSTAD.-
Mundialmente kada
kuartal mas di 15.000
empresario ta partisipá
na GrowthCLUB, un
workshop di planifikashon
di ActionCOACH. E di
binti shete GrowthCLUB
na Kòrsou lo ser tené
djabièrnè 18 di mart
próksimo. Mas di 238
empresa a yega di
partisipá den un òf mas
di e workshopnan aki.
Hopi aña di eksperensha
a mustra ku siklonan di
planifikashon kòrtiko pa
empresarionan mediano
i chikí ta mas efektivo.
Apesar di esei, masha tiki
empresario ta traha ku un
plan di durashon korto.

Motibunan ku
empresarionan ta usa pa
no planifiká ta ku nan
“no tin tempu”, òf ku nan
no tin e konosementu pa
planifiká na un manera
efektivo. Empresarionan
por realisá hopi progreso
den nan empresa dor di
planifiká pa henter un
kuartal durante di 1 dia.
Dor di pensa kiko nan ke
hasi ku e empresa den e
próksimo aña i tradusí
esaki den un plan di
akshon pa e próksimo
kuartal pa e empresa i su
empleadonan, klaridat
ta keda krea. Kaminda
un vishon ta inspirá i
motivá, un plan di akshon
konkreto ta yuda realisá e
metanan.

Ta bèrdat ku traha un
plan di akshon ta tuma un
poko tempu, pero despues
esaki lo spar bo hopi tempu
tambe. Inskribí bo mes
awor via dutchcaribbean@
actioncoach.com òf yama
737-0956. Ta posibel
pa inskribí ainda pero e
kantidat di lugá ta limitá.
ActionCOACH ta e empresa
di business coaching mas
grandi na mundu ku 1000
coach den mas ku 60 pais.
For di 2009 e kompania ta
aktivo den Karibe tambe,
ku representashon na
Kòrsou, Aruba, Sürnam,
Jamaica i Barbados.