Page 26 - AWEMAINTA

26 AWEMainta Diabierna, 11 Mei 2018

Deporte

Dia 14 di Mei registracion pa Aruba Bank su Walk & Run ta habri

E AÑA aki lo tuma luga e di 14 edicion di e
“Aruba Bank Walk & Run”. E dianan pa registra
ta mas cerca, dia 14 di Mei pa 9 AM tur hende
por cuminsa registra online y tambe via e Aruba
Bank Walk & Run App. P’e siman di 14 – 18 di
Mei participantenan cu a registra, mester cumpli
cu e pago pa asina confirma nan participacion.

Participantenan tin diferente opcion di pago,
por haci esaki via Aruba Bank Online y Aruba
Bank App, tambe por paga online cu Credit Card
via e online registration form. Esaki lo tin un
gasto adicional chikito. Ademas di e opcionnan
online aki, participantenan por scoge pa paga
via swipe machine na IBiSA Frankrijkstraat of
San Nicolas.

Despues di cumpli cu e pago, participantenan
por busca nan pakete na IBiSA Frankrijkstraat
y IBiSA San Nicolas cuminsando dia 14 di Mei.
Aki participantenan lo ricibi nan BIB cu chip,
dri fit shirt, bottle band y un tas reusabel. E
distribucion di shirt ta basa riba esun cu yega
prome.

Aruba Bank ta recorda tur esnan cu ta interesa
pa forma parti di e Walk & Run mas grandi na
Aruba, pa marca e fecha di 14 di Mei pa asina
sigura nan luga.