Page 25 - AWEMAINTA

Diabierna, 11 Mei 2018 AWEMainta 25

Deporte

Guardian Group Sprint Triathlon ta diadomingo

awor Dia di Mama na Boca Catalina

E PREPARACION pa cu e
Aruba International Triathlon ta den
full swing. Despues cu Aruba Triathlon
Association a organisa e tremendo
Boulevard Race a pone tur cos bek na
ordo p’asina diadomingo awor organisa
un otro tremendo evento pa nan tri-
atletanan e biaha aki e tan gusta
Guardian Group Sprint Triathlon.
E evento di Sprint Triathlon lo ta
programa pa cuminsa pa 7’or di mainta
y lo ta n’e lugar di custumber esta Boca
Catalina na Malmok.

E evento di Sprint Triathlon lo ta uno
veloz mirando e distancianan cortico
cu tin cu wordo recori, pero mas cu
claro e intensidad lo ta uno halto.
Pa loke t’e participacion pa cu e careda
di Sprint Triathlon, e categorianan lo
ta den Super Sprint (Kids te cu 14 aña)
unda nan lo mester landa 375 meter,
core bicicleta 10 kilometer y finalisa cu
2.5 kilometer core na pia.
Den e Open Relay Kids lo mester landa
e 375 m – core bais 10 km y core na pia
2.5 km.

Den e categoria di Junior & Adulto
Male, e distancianan recori lo ta un tiki
mas. Aki cada atleta lo mester landa un
total di 750 meter, core bicicleta pa 20
km y finalisa e competencia cu un 5
km careda na pia.
Por ultimo den e categoria Female
Open 15+, aki e tri-atletanan femenino
mester landa 750 m, despues core
bicicleta un total di 20 km y finalisa
nan careda na pia cu un recorido di 5
km.
Den e Open Relay esakinan lo mester
landa 750 meter, core bais 20km y
termina na coremento na pia cu t’e
5km

Stichting Sportsubsidie Aruba a
subsidia e competencia di Sprint y
Super Sprint Triathlon organisa pa
Aruba Triathlon Association.