Page 27 - AWEMAINTA

Diabierna, 11 Mei 2018 AWEMainta 27

Deporte

Tropical Bottling a titula campeon pa

MetaFit Bowling 2018

E PROGRAMA “MetaFit” di MetaCorp a
continua cu 2 dia di competencia di bowling.
Tur compania perteneciendo na MetaCorp,
esta New York Laundry, Maduro Travel, ATCO
Concrete, EcoGas y EcoTech, ATCO Aruba,
Tropical Bottling Company y MetaCorp mes,
a bini hunto pa pasa un momento agradabel.
Na final e team di Tropical Bottling Co. a titula
campeon di e MetaFit Bowling 2018.
E prome anochi , e competencia a cuminsa cu
yen di ambiente e teamnan a haci nan maximo
esfuerso pa sobresali. E di dos anochi tabata
uno cu e empleadonan a pasa un rato ameno
y competiendo, asina Eddie de Veer, CEO di
MetaCorp a expresa. Pa MetaCorp tur compania
ta ganador EcoGas/EcoTech a resulta na di tres
lugar, ATCO Concrete a sali sub campeon y
Tropical Bottling Company a bai cu e trofeo!
Clariss Willems participate pa e eam di Tropical
Bottling Co. y pa nan e experencia aki tabata
dushi, nan a disfruta hopi. A hunga como un
team, unda cu si un hungado tabata faya asina
mes nan tabata sostene otro. Clariss Willems a
expresa cu e ambiente tabata bon y e musica
tabata sublime y tur hende a disfruta di e anochi.
Nikita Dirksz di MetaCorp tabata un di e

participantenan pa e team di MetaCorp y
segun e competencia tabata super bon.. “Nos
tin algun teamnan hopi fuerte, pero it’s all
about fun”, el a expresa.
E resultado di e competencia tabata Tropical
Bottling Co. bisti den cora a bira campeon cu
7328 punto, ATCO Concrete bisti den oranje
tabata e sub campeon cu 7290, EcoGas/EcoTech
bisti den berde tabata na di 3er luga cu 6613
punto, na di 4 luga tabata ATCO Aruba bisti
den blauw, na di 5 luga tabata MetaCorp bisti
den blanco, na di 6 luga tabata Maduro Travel
bisti na ros y na di 7 luga tabata New York
Laundry bisti na shinishi.
Despues di e competencia di bowling, gerencia
a rifa varios premio entre e empleadonan
presente. Tabata 2 diasabra di competencia cu
tur empleado di MetaCorp y subsidiario a pasa
momentonan agradabel. E siguiente actividad
riba e programa di MetaFit lo ta e Walk &
Run cu lo start 16 di mei 2018 y mayoria di
e empleadonan ta preparando pa esaki, asina
Eddie de Veer a termina bisando.