Page 13 - HOH

Dialuna, 1 September 2025 AWEMainta COMUNIDAD 29

Un Paso Mas pa Combati Pobresa:
Bishita di Minister di Salubridad y Asuntonan

Social na Fundacion Pa Nos Comunidad (FPNC)

DIAHUEBS 28 di augustus, Minister di Salubridad, Asuntonan

Social, Cuido di Adulto Mayor y Maneho di Adiccion, Mervin
Wyatt-Ras, a bishita Fundacion Pa Nos Comunidad (FPNC) pa
reconoce y aprecia e labor significativo cu e fundacion ta haci

den combati pobresa y brinda apoyo na famianan vulnerabel na
Aruba.

Funda na 2009, FPNC ta e unico banco oficial di cuminda na
Aruba y ta asisti aproximadamente 350 famia cada luna. Mayoria

miembro di su team ta traha a base boluntario, dedicando nan
esfuerzo pa yuda tur esnan cu ta pasando un momento dificil,
incluyendo provedor di cuminda, paña, y meubels.

Den colaboracion cu mas cu 40 instancianan, FPNC ta enfoca su
labor riba: Aruba mas sostenibel, inclusivo y solidario.
Alivia hamber y distribucion di paketenan di cuminda (maand-
pakket, hulppakket y pakete di emergencia)

Ayudo structural contra pobresa
Re-integracion di grupo vulnerabel den comunidad
Ayudo humanitario cu respet pa derecho universal

Ademas, FPNC ta organisa varios proyectonan anual pa yuda
famianan den necesidad:
Back 2 School (+/- 200 hoben)
Mealpackage
Cumpleañero Contento (+/- 450 hoben)

Comparti felicidad cu aginaldo di bon boluntad
Participatietraject
Minister Wyatt-Ras ta aprecia e trabou incansabel di FPNC y a

percura pa pasa un amienda pa FPNC por ricibi AWG 450,000
pa sigui sostene e trabou vital cu nan ta haci pa nos comunidad.

Minister Wyatt-Ras ta reafirma su compromiso pa sigui traha
hunto cu FPNC y otro instancianan relevante pa garantisa un