Page 48 - AM250124

48 CORSOU AWEMainta Diabierna, 24 Januari 2025

Record di pasahero na Aeropuerto Hato

den 2024 ta impulsa plan di expansion

DEN 2024, Aeropuerto Internacional Hato di Corsou a

alcansa un desaroyo significativo door di ricibi mas di
2.1 miyon pasahero, un cifra cu inicialmente lo a spera di
alcansa dentro di cuater pa cinco aña. E aumento recorda
aki den trafico a genera reto particularmente durante e

finnan di siman y den e dianan pik manera 5 di januari, ora
cu a registra mas di 10 mil pasahero entre yegada y salida.

Director general di Curaçao Airport Partners, Jonny

Andersen, a splica cu e aeropuerto a yega e limite di su
capacidad, specialmente den e area di salida, caminda e
fluho maximo ta di 800 pasahero pa ora. Incidente chikito,
manera problema di un e-gate of e ausencia di personal,

por desencadena fila largo debi n’e restriccionnan fisico,
manera e falta di espacio suficiente.

Pa atende e situacio aki, a implementa varios medida. A reor-

ganisa e maneho di fila u a instala structura cu sombra den e
sala di salida, na cual lo wordo amplia proximamente. Fuera
di esey, a cuminsa cu dialogo cu e gobierno y e grupo propi-

etario di e aeropuerto pa planifica e expansion di e instala-

cionnan. Segun Andersen, ta esencial aumenta e capacidad
pa garantisa un experiencia positivo tanto p’e habitantenan
como p’e bishitantenan, loke lo incentiva turismo y reforsa e
economia local.

A pesar di e retonan aki, Anderesen ta mantene optimista.
Aunke e ta premira cu e crecemento di trafico por establece
den e proximo añanan, e proyeccionnan pa 2025 ta mustra

un volumen di 2.3 pa 2.4 miyon di pasahero, loke lo acerca e
aeropuerto ainda mas na un situacion critico.

Den un ultimo instancia, e exito di Aeropuerto Hato den

2024, ta refleha e atractivo di Corsou como destino turistico,
pero tambe a subraya e necesidad di inversion urgente pa
responde n’e creciente demanda y evita cu e bottlenecknan
aki afecta e experiencia di e biaheronan.

Fuente: video Curacao.nu