Page 10 - MIN ON

AWEMainta Diasabra, 21 November 2015 31

Laga Dia di Mucha ta uno
di refleccion tur dia pa
nos futuro generacion

E CELEBRACION di Dia di Mucha ta data for di aña 1924 ora cu Nacionnan Uni

a establece cu “humanidad debe su muchanan e mihor cu e tin a ofrece”.
Despues di un guera mundial unda cu hopi mucha a perde nan bida, lidernan
mundial importante a acorda pa tuma medidanan p’asina salvaguardia e bienestar
di e muchanan rond mundo.

Un mucha ta un ser humano den un proceso constante di crecemento, formacion
y aprendisahe. Ta p’e motibonan aki cu e ta sumamente importante y necesario
pa un mucha lanta den un ambiente adecua, cu dosis halto di felicidad, amor y
comprension, den un seno familiar cu lo brinde e proteccion y asistencia necesario
den su crecemento. Di e manera aki e mucha aki lo por prepara debidamente pa asumi
su rol como adulto responsabel den comunidad, ora cu e momento yega, di acuerdo
cu Chris Romero di fraccion di MEP.

Lamentablemente nos no por sera wowo p’e realidad cruel cu nos mundo ta pasando
aden actualmente, unda cu unbes mas muchanan inocente ta birando victima di
gueranan cruel y inecesario hopi biaha. Pero apart di e muchanan cu ta birando victima
di guera, tin otro gran cantidad cu ta biba den miseria, wantando sea friu of calor
extremo y sin nada pa come. Muchanan cu ta bibando un bida inhumano danki n’e
intolerancia y indiferencia di esnan cu tin e poder di duna nan e ayudo cu nan mester.

Pesey, awe, mañan y tur dia, ta un bon dia pa nos tur, mucha y adulto, reflecciona
riba e importancia di duna contenido na derecho di un mucha. Si nos kier un mihor
futuro pa nos mundo, nos tin cu cuminsa na duna y siña nos muchanan lo mihor cu
nos tin pa ofrece. Un mucha lo bira e adulto cu nos siñ’e pa ta. Ban percura pa siña
nos yiunan pa t’e mihor version di loke nos como adulto ta aworaki, Chris Romero a
finalisa su mensahe.

Diadomingo
awor, Cristo
Rey na Brazil ta
celebra 60 aña
di fundacion

DIADOMINGO awor, Parokianonan di Brazil, esta di

Cristo Rey, ta celebra cu 60 aña pasa, nan a inaugural
nan Misa. Diadomingo awor, esaki lo keda conmemora
cu un Santo Sacrificio di Misa, haci pa Mgr. Obispo Luis
Antonio Secco, Obispo di Willemstad, hunto cu Pastoor
Jairo Maduro, kende sigur a traha masha duro pa pone
Iglesia Cristo Rey, unda e ta awe.
Diadomingo awor, sigur misa lo ta full. For di awe, nos
felicitacion na tur cu a haci esaki posibel.