Page 10 - ATA

ORANJESTAD(AAN): Miriam Dabian, directora di oficina
di turismo di Aruba pa Latino America, basa na Bogota, Colombia, ta conta di un evento
asina importante pa nos isla cu ta CATA. Dabian ta mas cu contento cu e asistencia y e
resultadonan di tur aña cual ta wordo midi.

Nan ta hopi feliz, mirando cu e ta dirigi Latino America y e evento aki ta the
best ever. E ta sigui splica cu tin 116 persona registra di 11 pais di Latino
America. Adicionalmente tin algun otro evento den region. Tin Hotel Beds na
Cancun, caminda e operadornan di mundo ta bay, vooral Latino America. Tin
Date, cu lo bay ta otro siman y tin tambe di Cuba. Esey ta haci cu ta mustra
claramente cu tin un interes masha grandi mes. A cuminsa un tiki laat cu
registracion y por a mira directamente e interes di e registro.

Segun Dabian, normalmente ta wak cu tin algun cancelacion na caminda, pero
eynan ta gewoon cambia nomber si un persona no por a bin. Esey ta duna
claramente un trankilidad cu ta mustra cu e trabao ta bon haci y cu por spera
mucho mas cos bunita pa bin di Latino America.