Page 12 - ATA

pasobra tur aña nan ta logrando pa Argentinonan bin na e isla. Hopi repeat guests ta
bin gosa di e beyesa di isla, di e siguridad, cu ta algo cu e Argentinonan cu ta balora
hopi, di e clima excepcional naturalmente y di e amabilidad local.

Promocion na Argentina
Segun Razetto, nan ta haci branding pa posiciona e destino. Tambe nan tin hopi
relacion cu e operatornan turistico y tambe e retailernan cu ta socionan
fundamental y ta traha puntualmente pa arma e producto pa ofrece Aruba den
tur nan paketenan turistico pa Caribe.

Con facil pa yega Aruba
Actualmente tin oportunidad pa yega na e isla via Copa Airlines of Avianca, cu
un escala. Ainda no tin e gusto pa tin un buelo directo pa Aruba, cu ta e deseo.
Ta trahando riba esaki y purbando pa haya un buelo directo. Tambe via
American Airlines, via Miami. Nan tin di 10 pa 11 ora aproximadamente pa yega
Aruba. Ta un biahe largo, pero ta duna hopi satisfaccion una bes cu yega e
destino.

Pablo Rodriguez ta director di ATA Argentina, Uruguay y Paraguay y e tambe ta
conta riba e esfuersonan cu ta wordo haci. E ta conta con ta e reaccionnan cu
nan ta haya for di Argentina ora cu nan ta bula bay bin. E ta conta cu nan tin un
gran porcentahe di Argentinonan cu ta bolbe Aruba. Specialmente ta mira esaki
den e resultadonan. Na 2016, Argentina a crece pa Aruba un 24% y loke ta
2017, ta riba un 57%. Ta cifranan impresionante. Tambe nan ta e mayor
generador di anochinan hotelero di henter Latino America, pa e hotelnan di
Aruba cu ta nan asociadonan mas importante. Esey a logra danki cu Aruba ta
sorprende riba e mercado Argentino, den un mundo unda cu e consumidor ta