Page 13 - ATA

bombardea pa mensahenan di tur tipo, di tur hende. E mensahe di nos mester
destaca.

Pa un ehempel, Aruba pa dos aña ta presente den e provincia di Mendoza di
Argentina, unda cu e eskiadornan cu ta den un momento di vacacion, ta
totalmente premiabel den e mensahe, tin imagen, video, promocion y hopi
presencia di un destino como Aruba. Tin cu imagina un eskiador, full bisti, full
tapa den friu di sneeuw, mirando imagen y videonan di e beachnan di Aruba.
Esey ta un disruptor hopi grandi y esey ta loke a logra. Cu Aruba soprende e
consumidor cu su mensahe.

Nan gusta biaha
Segun Rodriguez, e Argentino ta un biahero nato. For di hopi aña tin e
custumber di biaha rond mundo. E competencia como destino ta mundo.
Argentina no tin frontera pa loke ta respecto competencia. Pesey ta ripiti cu e
mensahe mester ta totalmente sorprendente y no por ta un mensahe mas. Nan
a logra y e producto ademas ta destaca pa hopi balor cu no por haya den otro
destino. E mensahenan ey ta loke ta transmiti na e publico Argentino cu cada
biaha ta bin den mayor cantidad na Aruba.

Biahe directo
Ta trahando actualmente hopi fuerte pa logra un buelo directo. Den 2017 nan ta
bezig ta yenando 5 avion y mey for di Argentina pa Aruba. Imagina cu ta 10 ora
di buelo y e hendenan asina ta subi pa e avion y directo lo ta 6 ora y mey, lo
haci cu e vuelo ey lo ta totalmente exitoso y e pasahero lo eligi sin ningun tipo
di duda. Cu ya caba nan ta coy avion pa yega despues di 10 ora pa Aruba,
imagina un buelo mas cortico. Pesey ta trahando riba dje y e aña aki lo bay
logra esey.