Page 29 - AWEMAINTA

Diaranson, 31 Januari 2018 AWEMainta 29

Deporte

<Continua di pagina 28

Sean Toppenberg ta

logra gana e prome

competencia di aña,

e Warm-Up Triathlon

DIADOMINGO ultimo, Aruba Triathlon As-
sociation a organisa nan prome competencia di

aña 2018 cu e Guardian Group Warm-UpTriath-
lon na Boca Catalina. Un total di 96 tri-atleta a

competi cu otro den e tres disciplinanan, esta lan-

damento, ciclismo y coremento.
Notabel ta cu tabatin un total di 14 atleta di

e barco Freewinds cu tambe a bin participa n’e

Warm Up Triathlon.
Mester bisa cu e grupo aki a bin cu nan mesun

equipo di filmación y fotografo pa cubri full e

evento.

Den e categora Sprint a participa 41 atleta in-
dividual y 10 team di relevo. E tri-atletanan dis-

tancia Sprint mester a landa 750 meter, core un

distancia di 20 km riba bais y sigui cu un careda
na pia di 5 km.

Categoria Super Sprint a landa 375 meter, core
un distancia di 10 kilometer riba bais y despues

continua cu un careda na pia di 2.5 km.

Na final tur esnan presente por a mira un Sprint
sublime entre Sean Toppenberg y e hoben Gian-

non Eights unda e prome ta gana e evento den un

tempo di 1:09:04.194.

Lotto, e loteria di Aruba kier a felicita tur partici-

pante sigur esnan cu e cay den premiacion.
ATA di nan banda ta yama un danki na Guard-

ian Group, Lotto/Stichting Sportsubsidie Aruba e
boluntarionan, Polis, Anno Postma y tur persona

cu a bin apoya e atletanan e mainta tempran ey.