Page 14 - AM211002
P. 14
14 AWEMainta .com Diasabra, 02 October 2021
Kiwanis Club of San Nicolas a tene su conferencia di
fin di aña Kiwanistico y Instalacion di miembro nobo
Diadiomingo 26 di september ultimo, e miembronan di
Kiwanis Club of San Nicolas (KCSN) a reuni na Tierra
de Sol pa nan conferencia di fin di aña Kiwanistico. E
conferencia tabatin como meta pa evalua e proyectonan
di e club realisa den e aña anterior segun e vision di e
plan strategico. Alaves e comisionnan a duna diferente
presentacion tocante nan plannan p’e siguiente aña
kiwanistico y di ki manera specifico por sostene e mucha y
hobennan den nos comunidad mas efectivo.
Durante e conferencia tambe tabatin un momento
special unda a instala 4 miembro nobo. Ta trata di Esther
Emerencia Gomes, Daphne Connor, Tricia van Heynigen
y Charmin Angela Lewis, tur profesional den nan propio
ramo cu boluntad y curason pa yuda nos muchanan. Parti
di e conferencia tambe tabata un family day. E muchanan
di e miembronan a pasa un tempo placentero siñando con
pa hunga golf bou di guia di e instructornan tremendo di
Tierra del Sol Golf Club.
Kiwanis Club of San Nicolas kier a gradici tur e miembronan,
tur e otro clubnan cu ta forma parti di e famia di Kiwanis
na Aruba y Division 26, tur e stakeholders, sponsors y
donors cu a kere den nos vision y cu a aporta na un of otro
manera na beneficio di nos muchanan.
