Page 9 - AM211002
P. 9
Diasabra, 02 October 2021 AWEMainta.com 9
Poco pariba di Brug Fredis Refunjol
Auto a bolter, cu un chauffeur agresivo, kende
no tabata a wordo yuda pa ningun hende
Diahuebs anochi alrededor di 10:05 pm a sosode un
accidente riba Green Corridor. Ta un poco mas pariba di
Brug Fredis Refunjol, unda un auto marca Nissan modelo
Cube color shinishi, numera A-45907 a dal den e blokinan
mey-mey caminda pa djey bolter y keda cu dos wiel den
laira.
Mesora Polis y ambulance a presenta n’e sitio. Den prome
instante e chauffeur tabata for di tino, djey un rato despues
el a lanta y den un forma agresivo a cuminsa grita tur e
paramedico- y polisnan.
No ta conoci si el a haya sla na cabes y cu ta p’esey el a bay
fo’i tino of kico t’e motibo exacto. Tabatin por lo menos
dos unidad di ambulance na sitio.
A hasta pidi pa materialenwagen di Brandweer pa
presenta p’asina corta e auto y rescata e chauffeur herida.
Pero, nan presencia ya no tabata necesario mas, mirando
cu e chauffeur a lanta riba su mes y a cana subi ambulance.
E proceso pa subimento di e ambulance no a bay facil, e
tabata hopi agresivo y tabata grita cu: “Mi ta savage.
E paramediconan a logra convenc’e pa nan yude, el a logra
trankilisa y asina a logra atende cu ne riba ambulance. A
transporte pa hospital caminda e lo ricibi atencion medico
avansa. E auto mes, a keda completamente destrui, e
front a bay completo y a keda cu dos wiel den laira.
Polis di Trafico a presenta p’asina documenta e accidente
aki. Tin cu remarca cu a nota un bon cooperacion entre
e paramediconan y tambe un boluntario di Rode Kruis
kende tabata un di e promenan cu a yega na sitio. No
mucho ora pasa, cu a sosode un accidente n’e mesun sitio,
unda cu un persona a resulta herida tambe.
E articulo aki y foto ta danki na cooperacion di 24Ora.
com
