Page 10 - MIN VOS
P. 10
AWEMainta Diasabra, 29 Juli 2017 9
Miembronan entusiasma
Club Primavera y Estudiantes contento cu nan
ta bay haya un cancha deportivo cu yerba
CLUB Primavera y Estudiantes a pone man na
obra asina cu nan a haya e noticia for di Comite
Olimpico Arubano y Gobierno cu nan ta bay haya
un mini cancha deportivo cu yerba artificial. Ya
caba e club tabatin un plan hinca den otro pa me-
hora su facilidad, segun Alberto Goncalvez - Vice
Presidente Club Primavera - , kende a splica den
un declaracion duna durante bishita di Prome
Minister Mike Eman n’e sitio di construccion.
Na momento cu nan a ricibi e noticia cu Club
Primavera y Estudiantes lo haya un mini cancha
deportivo, a dicidi di para nan proyecto di ilumi-
nacion, pa inverti e placa den haci e mini cancha
deportivo di yerba artificial un poco mas grandi,
p’e por wordo uza dor di teamnan di diferente
categoria. Nan a incorpora e regalo aki den nan
plan total, y a inverti mas di 15 mil florin pa haci’e
un tiki mas grandi cu loke COA ta duna. Na me-
sun momento, nan lo move e veld grandi un poco
mas pariba y pa esaki a haya un pida tereno for
di Gobierno.
Ademas, nan lo construi un cancha special pa mini
baby, baby y categoria A. E ampliacion tabata
necesario pasobra e club y e team ta haya hopi
acogida cerca e muchanan den bisindario. Awor cu
e veld cu cancha deportivo, sigur nan miembrecia
lo aumenta.
Goncalvez a papia di e momento cu nan a wordo
informa cu e club ta bini na remarca pa e mini
cancha deportivo.
“E ta un soño cu a bira realidad. Ami cu Remi y
e Presidente Nelio, tabatin un soño pa bini cu un
veld di yerba. Gobierno a yuda nos hopi pa realisa
esaki y nos ta hopi agradecido. Nos ta traha duro pa
e muchanan y cu esaki sigur nos team ta bay haya
un miho nomber y hisa su calidad”, Goncalvez den
un forma entusiasma a expresa.
Den e prome fase, ta finalisa cu esun di e cancha
deportivo, dj’ey construi esun p’e teamnan di baby
y categoria A, mientras cu ta cuminsa rib’e plan pa
mehora e veld grandi.
“Pero nos ta hopi contento cu tur e ayudo ricibi”,
el a bisa.
