Page 12 - MIN VOS

AWEMainta Diasabra, 29 Juli 2017 13

Richard Visser ta sostene candidato Giovanni Arendsz:

“Giovanni ta un persona dedica y enfoca p’e push di deporte”

EX candidato di Partido di Pueblo Arubano, ex Minister
di Salud y Deporte y actualmente un experto interna-
cional riba tereno di salud fisico, Richard Visser tabata
na Aruba algun dia atras specialmente pa presencia
lansamento di Giovanni Arendsz como candidato nobo
di AVP.

Visser a papia durante e evento demostrando cu e tin
pleno confiansa den e profesionalismo di Arendsz y
cu terenonan di deporte, educacion y salud lo tin un
promotor grandi den su persona. TOP 20 3X20
Pa Visser deporte ta algo sumamente importante ya
cu, manera ta conoci, deporte ta aporta na salubridad
publico manera nada otro y ta vital pa esaki bay dilanti

“Pa nos hubentud, nos educacion y den tur parti di
bida, deporte ta hunga un rol vital y mi ta kere cu den
Giovanni nos tin un persona cu por pusha esaki, un
persona honesto, un persona cu ta den deporte y cu sa
kico ta gana riba nivel internacional”, Visser a bisa n’e
grupo grandi di persona diamars anochi na Camacuri.

Prueba di e capacidad y determinacion di Arendsz pa
Visser ta con el a competi y gana na Hulanda como un
‘allochtoon’ y con el a encarga su mes di Federacion di
Bodybuilding na Aruba, Caribe y Latinoamerica.
“Tremendo trabou e guy aki a haci”, Visser a comenta,
agregando, “Pa nos tur e ta un persona cu ta bay pusha
deporte. P’esey mi ta’ki, paso mi sa cu esaki ta un per-
sona dedica, enfoca p’e push di deporte cu nos mester.”

E problema di salud cu tin na Aruba, refiriendo na
sobrepeso, ta pa Visser algo cu no ta bay resolve sin
educacion fisico pa nos muchanan, sin deporte y esey
ta algo cu ta conoci mundialmente. Visser ta kere cu
Arendsz, den e proximo Gobierno di AVP, lo tin un
cargo masha specifico y sumamente importante.

“Mi sa cu pa hopi aña tabatin e creencia cu deporte
ta algo chikito y leuk cu ta pone un banda, Aruba no
tabata dj’e bon ey y no tabatin hopi profesional, pero
awo nos sa y nos tin e ciencia cu ta proba cu e ta vital
p’e proximo generacion, pa Aruba henter, p’e economia;
e ta touch tur cos,” Visser a finalisa bisando, agregando,
“Mi kier felicita Giovanni pa drenta e arena politico;
algo cu ta dificil y un decision grandi y mi ta apoye.”