Page 15 - MIN VOS
P. 15
AWEMainta Diasabra, 29 Juli 2017 19
DIASABRA anochi, tabatin un wega
SEROE BLANCO BOYS A hopi anticipa den fanaticada di domino.
Despues cu e team fuerte di Seroe Blan-
RASPA TEAM “SNOR”! co Boys a pone e conocido trabuconan
di Team Caba Co’ pasa den momen-
tonan di angustia, e conocido “Snor”
Perez, lider di Team “Snor” y autor
di varios teoria straño den domino, a
challenge Seroe Blanco Boys di biaha!
Diasabra ultimo, pues e famoso Dom-
ino Square Garden na Kudawecha,
esta 99 Bar & Restaurant, tabata “jam-
packed” cu fanatico pa wak si en berdad
Sabana Blanco Boys por wanta nan
reputacion di ta e team di momento!
No a dura mucho cu por a ripara “Snor”
Perez ta morde cabey di snor na un
forma nervioso, por bisa te asta spanta!
Na un manera convicente Seroe Blanco
Boys ta yega half time cu score di 11 - 8!
Aunke esaki no ta un diferencia grandi,
por a sinti toch cu Team Snor tabata
manera hik mescos cu auto cu spark
plug fayando.
Varios integrante di Team Snor a
comenta cu “we’re getting our a…s
kicked!”, mientras cu integrantenan di
Seroe Blanco Boys tabata cana rond
cu smile nan grandi riba cara, como
si fuera nan sa caba cu aki ta pan den
cas tin!
Den di dos buelta, por a sinti cu Seroe
Blanco Boys berdad tabata un “size”
mucho grandi pa Team Snor. Pa ora cu
Seroe Blanco Boys ya caba ta doblando
skina yegando pa bay finish, ainda
Team Snor ta pega na 11 punto!
Na final, Team Snor a haci un intento
di bin bek, pero ya e daño tabata haci
caba y na un forma convicente Seroe
Blanco Boys ta gana cu score di 21 - 15,
y ta mustra Team Snor cu miho nan
bay revisa nan buki di teoria di domino!
Shonnan fanatico di domino, keda
pendiente, pasobra ta parse cu Sabana
Blanco Boys a bin pa keda! Den dos
partido den Domino Square Garden
nan a laga un impreshon cu aki ta hero
duro tin, y manera nos tur sa, bo no por
kibra hero cu man!
Keda pendiente, pasobra conociendo
Snor e ta bay sambuya den su buki-
nan pa bin cu’n teoria nobo! 99 Bar &
Restaurant kier a gradici ambos team y
nan fanaticada pa otro super tremendo
anochi di domino.
