Page 5 - AB

PAGINA 24 DIARIO DIARANSON 11 JUNI 2025
Minister Arthur Dowers a reuni cu Director di
Organisacion y Recurso Policial di Hulanda
Dialogo strategico pa fortifica e

colaboracion entre Aruba y Hulanda
den area di husticia y seguridad

ORANJESTAD (AAN): Den
cuadro di su bishita oficial na
Hulanda, Minister di Husticia di
Aruba, mr. drs. Arthur Dowers,
a tene un encuentro importante
cu sr. Ronald Baarends, Direc-
tor di Organisacion y Recurso
Policial di Hulanda. E reunion
ta parti di un serie di dialogo
strategico pa fortifica e colabo-
racion existente entre Aruba y
Hulanda den e area di husticia
y seguridad.
Durante e reunion, Minister Dowers y sr. Baarends a
dialoga riba varios tema crucial, incluyendo:
- Cooperacion actual entre e cuerponan policial di Aruba y
Hulanda, cu ta basa riba confiansa y intercambio continuo di
experencia y conocemento.
- Ondermijning, un fenomento peligroso cu ta minando e
fundeshi di nos institucionnan y cu mester combati den forma
structural y conhunto.
- Falta di personal den Landsrecherche, un situacion cu ta
crea presion riba investigacionnan y ta rekeri atencion inme-
diato.
- E rol y aporte di RST (Recherche Samenwerkingsteam),
un elemento clave den e lucha contra crimen organisa y investi-
gacion den Reino. Minister Dowers a expresa su grati-
tud pa e apertura y cooperacion di e autoridadnan Hulandes,
y a reforsa su compromiso pa sigui traha man den man riba
un strategia comun cu ta pone siguridad y orden publico como
prioridad. E reunion cu sr. Baarends ta reforsa e obhetivo
di Gabinete AVP-Futuro pa fortifica nos institucionnan di ley, y
pa crea un ambiente mas sigur pa cada habitante di Aruba.

KPA a participa den conferencia tocante

‘Ondermijning’ conhuntamente cu
directornan di Douane

ORANJESTAD (AAN): Recientemente a tuma lugar un
conferencia cu a hiba e tema di ‘Ondermijning’ na Aruba.
Directornan di Douane di paisnan Aruba, Sint Maarten,
Corsou, Hulanda y Caribe Hulandes a bini hunto pa pa-
pia riba e dicho tema.
Altocomisario di polis sr. Arnhem a haci un pre-
sentacion di e tema en cuestion na unda KPA tambe ta
hunga un rol importante pa combati esaki. Banda di e
presentacion di altocomisario Arnhem tabata tin colega
policial Rafiek Dinmohamed cu tambe a duna su presen-
tacion riba e tema aki.
Altocomisario a enfoca riba e union entre e de-
partamentonan manera Douane.
Pa asina traha mas estrecho cu otro como inter-
regional partners. Douane ta un organisacion cu hopi ex-
perticio den e materia aki y e ta hunga un rol importante
pa combati crimen.
E resultado di e conferencia ta pa trece e necesi-
dadnan pa traha mas cu otro y haci algun acuerdonan pa
sigui traha riba e tema aki.