Page 14 - MIN ON

forma parti di directiva pa ta presidente di Simar, pa guia e sindicato, pa pone nan mes disponibel y
ta bay trata nan huishoudelijk reglement, cual tin un paar di aña para. Esaki ta bay wordo yama na
Februari, caminda cu ta caba di trat’e.
Den dje tin un punto importante cu ta e forma pa scoge un directiva y presidente di Simar. E ta bay
cambia. E ta bay bira hopi mas amplio. E ta bay bira cu un solo anochi, un rato e oportunidad pa
vota, e ta bay bira un tramite mas largo. Ta bay tin ponemento di persona disponibel cu nan
informacion cu ta bay rond, votamento un tiki mas tempo y na diferente luga.
Eseynan ta tres punto importante. Banda di esey, e trabaonan cu ta andando, caminda cu tin cu
vigila e derecho di trahado, su posicion huridico y su derechonan manera semper. Esey ta e trabao
cu e directiva lo keda haci mas bon cu ta posibel.
E situacion di miembrecia, con cu bay bin ta keda un punto preocupante. Segun Cornelie, loke tin
den pipeline pa haci manera aña haci, ta bay invita scolnan pa bin Simar pa of directiva ta bay pa
duna informacion, specialmente pa esnan mas hoben, pa nan sa kico ta tur e trabaonan cu e
sindicato ta haci, a haci y lo mester haci cu ta pa nan mesun bon y tambe tin un encuesta cu tambe
tin tempo wardando y cu ta bayendo veld na cuminsamento di aña. E ta bay ta pa miembronan duna
nan feedback y pa no miembronan duna nan feedback dicon nan no kier bira miembro.