Page 8 - AM211005
P. 8
8 AWEMainta .com Diamars, 05 October 2021
Clientenan di Invest Secure a
celebra hunto 25 aniversario
Recientemente Invest Secure a celebra cu su
clientenan e hecho di nan 25 Aniversario. Tambe
esnan cu a forma parti di e proceso administrativo,
operacional, tecnologico a wordu invita pa celebra
nan contribucion p’e servicio n’e nivel desea.
E anochi a cuminsa cu un repaso di historia cortico na
comienso dunando training via Overhead Projector
pa despues bay over na computer cu powerpoint.
Awe tur departameento tin su computer y ta comunica
via nos network tanto interno como externo.
Despues por a mira e diferente productonan di alarma
y por a disfruta di e sistema sophistica di camara
a wordo presenta. Tambe algun producto nobo a
wordo presenta y rifa y nos clientenan por a tende di
algun oferta special cu por a probecha di dje na un
prijs reduci.
Despues por a disfruta di un “slideshow”, cu por a
mira parti di e historia di e compania for di 1996 te
cu awor cu e diferente cambionan cu a tuma lugar.
Tabata un anochi hopi ameno unda por a network
y relaha asina por a gradici tur nos clientenan
personalmente pa a sostene nos durante e trayectoria.
Aprecio special cu entrega di un “award”a bay
tambe p’e clientenan cu mas di 20 aña cu a pone nan
confiansa den nos servicio. Nos vision tambe a wordo
presenta cu tabata determinante pa por a duna nos
satisfaccion na tur nos clientenan pa tempo largo.
Tambe nos ex-empleadonan cu tabata presente a
ricibi un regalito y un palabra di bon trabou pa pone
e fundeshi cu nan dedicacion y esfuerso.
Na final tur esnan cu tabata presente por a disfruta di
algun snacks y por a muha garganta den combersacion
ameno .
Un gradicimento tambe di curason p’e comunidad di
Aruba en general y tur esnan cu a yega di hasi uzo di
servicio di Invest Secure durante e momentonan cu
tabatin e necesidad di e proteccion necesario cu nos
por a asisti nan den nan reto y desafionan.
Danki na Dios cu a duna Invest Secure y staff e forsa
necesario pa sobrebibi den e añanan y pa por sigui
mantene nos comunidad liber di crimen.
