Page 9 - AM211005

Diamars, 05 October 2021 AWEMainta.com 9

Accidente entre dos bromer a laga un

motociclista seriamente herida atras

Diadomingo atardi den
careda di 5:50 informacion
a drenta cu tin un accidente
serio na altura di Hospital.

Na yegada di Polis nan ta
topa cu e accidente riba e
cruzada cu ta bay Hospital.

Tabata trata di 2 bromer.
Un di e motociclistanan
tabata na suela y tabata
sangra.

Tabata trata di 2 bromer
Suzuki, cu pa un of otro
motibo a accidenta y uno a

resulta seriamente herida
na cabes y rudia.
Varios patruya a presenta
n’e sitio pa yuda, pero no
tabatin mucho cos pa a

wordo haci. Paramediconan
n’e sitio mesora a drenta
den accion pa stabilisa e

motociclista herida.

Polisnan di Departamento
di Trafico a yega pa tuma
dato di locual a sosode.

Mester remarca cu e otro
motociclista tabata envolvi
algun tempo atras den un

accidente di bromer na
Jucuri, unda cu el a dal un
cacho lagando e herida.