Page 11 - AWEMAINTA

Dialuna, 17 Februari 2020 AWEMainta 11

Minister Marisol Lopez Tromp

Traha caminda nobo

lo stimula economia

Minister Lopez - Tromp a splica cu n’e momentonan aki ta
preparando pa presupuesto 2020 pa cual ta spera cu por

ubica un suma pa por traha caminda y stimula economia.

E tipo di proyectonan aki ta mehora calidad di bida di e
ser humano atrabes di kita molester di stof, pero tambe

dunando trabou.
Tur dia ta ricibi cantidad di peticion di ciudadanonan pa

nan camindanan ricibi asfalt y verkeersplateu pa cual sra.

Lopez - Tromp ta indica cu ta den Parlamento e decision
lo cay di cuanto exactamente ta wordo poni pa drecha ca-

minda.

Como Minister encarga, peticion sigur lo ta pa continua cu
e sumanan poni den añanan cu a pasa, pa percura cu por

drecha nos camindanan mihor cu ta posibel pa awor y pa

futuro!

Director di DOW sr. Marlon Croes ta splica cu e trabou
cu ta tumando lugar entre Wayaca y Mahuma ta uno riba

lista ya desde 2019 pa wordo realisa.

Particularmente pa crea eficiencia den e ruta di ambulance
na momento cu mester atende un emergencia. E trabou ta

encera casi 700 meter di asfalt y a costa 238 mil florin.

Asfalt ta keda un necesidad den barionan, particularmente

pa asfalta camindanan di santo. Hunto cu esaki tambe tin
e demanda di verkeersplateu cu tambe ta halto. Pa cual

por a mira den 2019 cu a cumpli cu gran cantidad di peti-

cion rond di scolnan y den barionan pa aumenta seguridad.