Page 12 - AWEMAINTA
P. 12
12 AWEMainta Dialuna, 17 Februari 2020
Detencion despues di pelea
DIASABRA den oranan di mainta na momento cu
e parada di Jouve Morning tabata yegando su final,
na altura di Joe Laveist, pa un of otro motibo a start
un brngamento entre algun persona.
Polisnan cu tabata riba e ruta y prepara pa cualke
eventualidad, mesora a bin ripara cu tin un pelea a
start net dilanti di Joe Laveist. Mesora nan a bay
atende cu e personanan cu tabata bringando, un di e
hombernan no tabata comportando su mes y no kier
a sigui ordo di polis, mesora polis a detene y ela wor-
do transporta cu e Van di C.E.A. pa warda di polis.
Hoben bou influencia a causa accidente
DIASABRA den oranan di mainta polis a
bay pa un accidente poco pabou di Pacifico
bar restaurant na Paradera, unda lo tin un
chauffeur burachi envolvi.
Na yegada di e polis no tawata tin hende
herida, pero si basta daño material.
E autonan envolvi tawata un Mitsubishi
Lancer y un KIA Flatbed cu material di con-
struccion.
Segun chauffeur di e Flatbed cu tawata bay-
endo direccion pariba, Mitsubishi Lancer a
kita full na su man robes y dal frontal.
Un impacto basta fuerte, mirando cu e Air-
bags di e Lancer a bula sali.
Na stuur tawata un hoben cu lo a bebe di-
mas y na yegada di polis di trafico a bay
over na detene.
Takelwagen a presenta pa move y bay cu e
autonan.
