Page 18 - AAA

pa e contracto colectivo nobo pa e trahadonan di Astec. Pero tin cu bisa cu

lamentablemente siman pasa e negociacion a pega. Ora cu a bay negosha a entrega un

concepto di e contracto colectivo di STA. Y tur hende sa cu ora STA bay negosha e ta

bastante caro y esaki no tabata un excepcion.

Den e caso aki Astec tin un CAO cu tabata andando caba y a bisa nan cu ta bay mantene

e punto di salida di e CAO vigente y for di eynan ta bouw op riba dje. Si nan no kier e

concepto di contracto colectivo, pa paz laboral reina, ta mantene nan mes eynan. Pero

loke a pasa ta cu gerencia a tira e concepto den bari. STA no a worry mucho cu esey,

pero lo bay negosha e parti financiero, cual cu practicamente a keda casi cla cun’e. Pero

gerencia di Astec a hunga un wega astuto, pasobra den e CAO anterior, tur e parti cu ta

trata reglanan di compania, tabata inclui hunto cu e CAO y a ripara cu e pida eynan,

pasobra tur e paginanan eynan tabata geparafeerd. Ta una cuerdo mutuo caminda cu tur

dos partido a firma. Aunke cu bedrijfsvoorschriften practicamente tabata eenzijdig, ta e
compania ta delinea esey, pero no por hinca tres cuarto di e CAO den e voorschriften nan

aki. E ora e ta keda mucho eenzijdig. E ora STA di cu si ta asina eynan, coy tur loke a

yega na una cuerdo na dje, hink’e den e CAO vigente y e ora eynan a yega. Esey tambe

nan a nega. E ora e trahadonan a bisa ta basta.

Di parti di sindicato, a mustra bon boluntad, pero awor aki no por mas. A yega asina leu,

y pida chikito eynan ta nenga, anto e ora nan ta di mala fe. A tira asina hopi awa den

biña, te cu e biña a lala caba. Si no tin e boluntad eynan, e ora no por yega hunto.

Aki ta papia di un compania hopi importante pa pais Aruba. Tur hende sa cu tur hende tin

chens di keda sin klapchi. Esaki ta hopi importante y e sindicato ta conciente di esey.