Page 19 - AAA

Mirando e situacion di Elmar tambe, Aruba tin chens di keda sin coriente y sin klapchi. A

bisa cu no kier esey y lo pidi intermediacion di mediador. Esey ta loke a haci awe.

A bin na mesa hunto cu mediador, wak si por sali for di e impasse aki. Ta spera cu si bon

boluntad reina di nan banda, por yega facilmente na cera un contracto colectivo. Nan no

ta leu for di otro, pero loke cu a pasa, a haci cu nan a aleha for di otro.

Awo tin cu cuminsa di nobo, unda cu a propone pa firma un protocol. Den e protocol ta
delinea e reganan di wega. Esey semper ta haci’e cu tur compania y a adverti nan. Den

pasado el a yega di pasa caminda cu a keda sin firma protocol cu e companianan y

despues a pega na caminda. Mester a bay na e protocol bek, pa firm’e, delinea e reglanan

di wega.

Ta mescos den un wega di futbol. Den negociacion tambe bo tin regla di wega y na no

kier a mantene na e reglanan.

STA a bin compronde dicon nan no kier a haci’e. E ora nan tin e caminda habri pa haci

loke nan kier. STA a bisa cu e cos no ta bay asina aki. Den un negociacion, dos partido ta
negosha. Sino no tin negociacion. Aki ta dicta nan kier dicta. Segun de Cuba, STA no ta

participe den ningun dictadura y a bisa esey y ta mantene esey tambe. El a agrega cu ta

duel nan masha hopi mes. E negociacion tabata bayendo asina bon, pavia di un detaye

asina eynan, ta bay trank’e. E ta beneficioso pa nan, beneficioso pa e abogadonan tambe,

pasobra mas largo e CAO dura, e abogadonan ta keda strica placa. No mester bisa esey

pasobra e ta un secreto publico. STA ta haya hopi abogado cu ta prefera di rek e cos

manera un cakiña pasobra nan ta keda strica placa. Ta e direccion aki Astec kier bay? Dal

Bay, segun de Cuba. Keda paga abogado bay off numa.