Page 23 - AAA

Cos ta trance entre ASTEC y STA. Nan ta na mesa cerca mediador. Diego de Cuba,

presidente di STA, a splica cu tempo di UPA, caminda cu den concepto di STA, UPA

mester a bay mesa negosha, pero a prefera di cana e caminda di corte. Esey no a sali bon

pa nan. Nan a perde tres caso den corte. A bisa nan, locual cu e CAO tabata perscribi cu

si nan bay corte, nan ta perde e caso. Tabata miho nan no haci’e y sinta na mesa negosha.

Si bo no yega na un acuerdo, e contracto colectivo bieu ta keda core un aña normalmente.

Pero tin cierto clausula den e CAO cu ta mara na aña. E ora eynan nan por referi na e

añanan cu tabata valido. Esey ta e importancia pa renegosha un contracto colectivo. Esey

ta pasa den mayoria di caso. Por pega, pero eynan atrobe e importancia di un protocol ta

bin, caminda cu ta delinea tur e reglanan di wega.

Por ehempel STA a negosha 9 luna largo pa renoba un contracto colectivo cu AAA. Pero

tabata tin un protocol firma, caminda cu si pasa e aña voorbij, si yega ta negoshando

ainda den Mei/Juni, pero tur locual cu di e parti financiero, ta bin cu forsa retroactivo

desde 1 di Januari. Ta esaki ta locual cu e hendenan aki no kier firma tampoco, cual ta un

parti di protocol, segun de Cuba. El a termina bisando, cu STA no ta den e wega di

djacanan aki.