Page 30 - AM200729

15
Djamars 28 Yüli 2020

Yobida a yena diferente Un dia manera awe;

28 di yüli
dam - Ta dia internashonal di hepatítis. Awe ta pone

atenshon riba e malesa ku mundialmente mester di
mas atenshon i tambe konsientisashon. Ta enkurashá
un i tur pa eduká nan mes riba a materia aki i tambe
pa laga hasi tèstnan nesesario den kaso ku mester.
- Mundialmente tin masoménos 350 mion hen-
de infektá. Hepatítis ta un nòmber, un palabra, pero
tin 5 diferente tipo di infekshon. Ta trata aki di hepatítis
A,B,C,D i E.
- Hepatítis A semper ta manifestá komo agudo
riba término korto,miéntras ku hepatitis B,C ku D ta mas
persistente i króniko.Hepatitis E ta usualmente agudo
pero por ta peligroso partikularmente pa hende muhé
na estado.
- A skohe e fecha di awe komo ku ta fecha
natal di e ganadó di premio nobèl Dr Baruch Blumberg
kende a deskubrí e vírus di hepatítis B i a krea un tèst
kaminda por diagnostiká esaki. Despues di e tèst Blum-
berg a krea tambe un bakuna pa trata e vírus.
Pa esnan ku ta puntra kiko hepatitis ta; un infekshon
na bo higra ku ta originá dor di infekshon ku e vírus
hepatitits B. E traspaso por sosodé di mama pa yu na
momento di asementu, kontakto seksual òf tambe
kontakto ku sanger.

Wak pa bo sén!

Awe si Mai no sa kiko e hasi. E no a drumi bon anochi,
preshon ta subi, i ta man na kabes. Fin di luna ta den kurpa.
E tin un lista di kos di paga, i sa kaba ku e no por kumpli ku
tur. “Tata, yuda mi.”
Diputado Nina den Heyer relashoná ku prevenshon di
debe problemátiko na Boneiru: “Esaki mester bira un área
ku ta haña mas prioridat. Mester konsientisá nos pueblo hopi
mas di dje. Mester siña kiko ta prioridat i si mester hasi fi-
ansa, kon i unda ta hasi esaki. Si un hende tin prekupashon
di debe, esaki tin un efekto negativo riba su funshonamentu
den tur área di su bida.”
Mai: “Mi tin ku keda kas awe. Kabes ta bira i mi no por
traha. Loke ta kaba daña kos, ta Maria mi yu. E no mester a
paga banko e luna akí, pero a kumpra e último iPhone. Sèn
ku nos por a usa pa paga debe i warda algu pa mañan.”
Den Heyer: “Pa motibu di e situashon di Covid, mas hende
a konfrontá pèrdida òf bahada di entrada, pero tambe subida
di gastu. Ta importante pa keda konsiente i purba tene gastu
abou. Banko a duna periodo di grasia, pero mester paga e
sèn akí un dia. Lamentablemente tin hende p.e. a ‘probechá’
kumpra e telefòn di mas karu ku a kaba sali. Nos tin ku bai
bèk na loke nos grandinan a siña nos: traha dam warda awa.”
Mai: “Danki Dios, mi a papia ku Bisiña. El a skucha mi
doló i mi a trankilisá. Mi lo paga e kosnan di mas importante i
papia ku e otronan pa wanta un luna pa mi. E luna aki, mi lo
baha gastu i si por, warda un chipichipi pa mañan.”

E yobidanan fuerte den fin di siman a pone ku diferente dam a yena. Algun dam
chikitu a yena kompletu, manera e dam na Hanchi Amboina, sùit di moské. Tanki
Abou, ku tabata den notisia siman pasá, tambe a yena. I asina mas dam. Fotonan
ta duna bista di tres dam den áreanan residensial ku a kue basta awa.