Page 18 - AWEMAINTA

18 AWEMainta Dialuna, 28 Mei 2018

Dama na stuur di Toyota Levin a perde control y ta dal cura di cas kibra

DIASABRA pa mas o menos 1’or y 20 di
marduga, patruya di Santa Cruz ta wordo
manda un adres na Rooi Bosal pa motibo
cu un auto lo a dal contra un cura di cas y
a benta un gran parti di e cura abou.

Na yegada di berdad nan ta topa cu un auto
Levin Blanco cu hopi daño material y cura
di un cas basta destrui. Aparentemente e
dama cu tabata manehando e Levin pa un
motibo of otro a perde control cu su auto
y a dal contra un cura di cas y a benta un
gran parti di e cura abou.

Despues cu polis a tuma tur datos y regla
tur cos, polis a hiba e dama cu tawata basta
emociona su cas. Mientras e auto a keda
staciona otro banda di caminda, unda e
boksmento a tuma luga.

Toyota Corolla pa drecha ta wordo cendi na

candela y ta kima por completo

DIASABRA den careda di 3’or di marduga,
personal di brandweer y polis ta wordo pidi cu
urgencia den Fahrenheitstraat pa un auto na
candela.
Na yegada nan ta topa cu un auto marca Toyota
completamente na candela y e doño di e cas
cu ta biba na e cas ta bisa polis, cu algun rato
prome el a scucha cacho ta blaf hopi, el a dicidi
di bay tira un bista y pa su sorpresa el a topa cu
un auto cu e tin staciona dilanti full na candela.

Mesora el a bati alarma, hopi lihe brandweer y
polis a yega na e sitio y tambe ta topa cu e auto
full na candela.
Mesora e personal di brandweer a cuminsa
combati e candela y hopi lihe a logra paga esaki,
E agentenan a tuma tur datos y e meneer a keda
di pasa na warda di recherche pa entrega un
keho, mirando cu tin indicacionnan fuerte cu e
candela lo ta intencionalmente cendi.