Page 19 - AWEMAINTA

Dialuna, 28 Mei 2018 AWEMainta 19

Homber burachi a causa accidente y keda drumi

despues den auto

DIASABRA anochi algo prome cu 10’or, un
accidente cu basta daño material a sosode pazuid
di crusada di Sero Pita. Loke a tambe a wordo
informa, tabata cu tin hende herida.
Na yegada di polis di trafico e ta constata cu un
di e chauffeurnan a keda den e auto. Ora cu ela
bay mira e chauffeur di e Chevrolet, esaki tabata
“drumi”, y for di paden di e auto por a haya un
holor fuerte di alcohol.
Polis a trata tur manera pa lanta e homber, pero
sin ningun resultado.
A pidi transportwagen pa si nan logra lant’e, e
wordo deteni.

LOKE A SOSODE

E chauffeur di e Chevrolet, tabata bayendo zuid
y door cu e tabata burachi ela hala na su man
robes.
Net momento cu e Nissan March tabata bayendo
direccion nort.
E ta dal contra e Nissan March y sigui bay zuid
pega den un mondi, pariba di caminda.
Na yegada di ambulance, e personal a pasa un
poco trabou tambe pa convence e homber pa
lanta y sali di e auto.
Despues di basta papiamento e homber a lanta
y sali di e auto. El a wordo poni ariba cama y
hinca den ambulance caminda e lo mester a
wordo atendi.

Accidente na Bruynewijk diabierna anochi
A laga un persona seriamente herida, y a ser hiba den situacion

critico pa Hospital

DIABIERNA anochi pa mas o menos 7:25 Polis a wordo manda cu urgencia
pa Bruynewijk, caminda un accidente serio a tuma lugar. Na yegada di Polis
di Trafico, e ta constata cu e accidente ta uno basta serio, mirando situacion
di un chauffeur.
Segun nos a compronde, e chauffeur mas grave tabata sangra profusamente
for di riba su cabes.
LOKE A SOSODE
E Toyota Corolla lo a dal contra un stupi y kita bay dal contra un palo di
luz, pa despues sigui bay dal contra un otro auto.
Un rato lo mester a warda riba ambulance, cu tabata pabou di brug. Pero,
un otro unidad lo a yega y tambe a constata seriedad di e victima.
Mesora a cuminsa haci preparacionnan pa hiba e victima cu urgencia pa
hospital.
Den un situacion critico e victima a wordo transporta pa hospital. Segun
informacion n’e sitio, e mesun auto aki un rato prome tabata core hopi
malo, segun testigonan.
BFTO (Departamento Tecnico di Polis) a ser solicita n’e sitio, pa haci
investigacion.
Slachtofferhulp tambe a wordo manda Hospital, pa atende cu famia di e
victima.