Page 15 - AWEMAINTA

Dialuna, 28 Mei 2018 AWEMainta 15

Rocco Tjon, lider di fraccion di MEP a duna di conoce cu:
Reunion di Parlatino na Panama a atende topico manera

corupcion den sector publico y priva

DEN e articulo informativo aki lider di fraccion di MEP, sr.
Rocco Tjon MBA, ta elabora riba reunionnan na Panama den
cuadro di corupcion den sector publico y priva.
Sr. Jorge Carbonell di “The Organisation for Economic Co-
operation and Development” y sra. Grisell Aguilar di “Oficina
de Las Naciones Unidas” a duna un splicacion extenso riba
desaroyonan den nos region pa loke ta corupcion en general.
Ambos ta traha den unidadnan anti-corupcion den nan
organisacionnan.

CORUPCION DEN NOS REGION
E dos oradornan a splica cu corupcion tin su impacto riba
gobernacion di un pais, su economia y aspectonan social.
Den nos region tin centenares di caso a tuma lugar den
pasado y esun cu a capta mas hopi atencion tabata “Caso
Odebrecht” na Brazil y “Caso Cemento” na Bolivia.
Atrabes di un linea di tempo (1997-2018) a presenta e
desaroyo pa loke ta leynan anti-corupcion y e maneranan con
e malpracticanan ta tuma lugar.
Segun e lectornan e mayoria di casonan caminda actonan
coruptivo ta tuma lugar ta den proyectonan di infrastructura
y ora di e proceso di “bidding”.

RETONAN PA FUTURO
E reto di mas grandi segun e oradornan ta ehecucion di leynan
anti-corupcion. Banda di e parti ehecucion mester percura pa
por adapta leynan liher.
Mundo local y internacional ta dinamico y p’esey leynan
mester por “keep up” cu e dinamismo di nos mundo.
Programanan di conscientisacion y fortalece lasonan
internacional tambe lo yuda combati corupcion, egun Rocco
Tjon.
Esaki debi cu e lo crea un plataforma, pa riba nivel Parlamentario,
por intercambia informacion, fomenta conocimento y kisas
asistencia ora di un encuesta parlamentario.

TRAYECTO DI “GOOD GOVERNANCE” NA ARUBA
Finalisando lider di fraccion di MEP, sr. Rocco Tjon MBA, ta
enfatisa cu fraccion di MEP a entrega dos ley di iniciativa caba
pa promove bon gobernacion. Ta referi n’e ley di screening di Por ultimo e trayecto di independisacion di nos colegionan
Ministers y e ley di finansamento di partidonan politico. di estado, cual trayecto ta wordo lidera dor di Presidente di
Dos otro ley cu fraccion di MEP ta trahando riba dje t’esun Parlamento sr. Juan “Ady” Thijsen, lo promove transparencia
di comptabilidad y esun di nos propio begrotingskamer. y bon gobernacion.