Page 11 - AWEMAINTA

Dialuna, 28 Mei 2018 AWEMainta 11

Di acuerdo cu nan propio interpretacion

Parlamentarionan di MEP, no ta interesa pa

cobra overbruggingstoelage ora nan baha

PARTIDO MEP a tuma nota cu medionan
di comunicacion (?) atrobe ta trociendo
informacionnan pa bruha tera den nos
comunidad. Esaki riba su mes ta un hecho baho,
pasobra pueblo merece di wordo trata cu mas
respet y cu e berdad.

T’asina cu e presupuesto cu a keda trata y
aproba a inclui ‘overbruggingstoelage’ p’e ex
Parlamentarionan, den e caso aki di partido AVP.
Cu di acuerdo cu nos interpretacion ta ley.
Segun MEP esnan cu a wordo inclui den
e presupuesto di Parlamento y lo cobra
‘overbruggingstoelage’ ta: Clarisca Velasquez,
Melvin Tromp, Donny Rasmijn, Lorna Varlack,
Jeffrey Kelly, Norman Roos y Baba Herde,
kendenan pa 8 aña no a controla nan Gobierno
y a permiti nan lider hinca nos pais den un mega
debe, lo bay sigui cobra placa di pueblo.

MEP ta bisa cu AVP a laga nos pais casi den
bancarota cu un debe astronomico pa motibo
di mal maneho. Pero con MEP a laga pais
Aruba na 2009 anto? Pero e tempo ey tambe
esnan cu tabata Parlamentario a cobra nan
overbruggingtoelage. Tabata Rudy Lampe, kende
a declara di no kier cobr’e, pero cu finalmente a
haci’e tog, pasobra pa ley, Gobierno tin cu paga
dicho compensacion.
Pa MEP, Gobierno di Aruba mester a introduci
un ‘crisisheffing’ na unda cu 1.5% ta bay pa paga
proyectonan di PPP.
E belasting aki a wordo yama B-AVP y lo aparece
riba recibonan p’asina pueblo hamas lubida cu ta
pa motibo di AVP y su mal maneho awe pueblo
mester paga.

Por interpreta declaracion di MEP aki,
cu ora cu nan baha, nan si lo no cobra e
overbruggingstoelage. Anto ta bon pa bise esaki
for di awor, cu ningun di nan no ta interesa
despues di nan periodo lo no ta interesa pa cobra
nan overbruggingstoelage.