Page 8 - AWEMAINTA

8 AWEMainta Dialuna, 28 Mei 2018

Continuacion di pagina 6

pa pago di gastonan di entiero. Den e rato cu el a hiba palabra el a bisa
“mi no ta compronde di con tin tanto maldad asina pa mata un hende,
un hende cu bo no conoc. Esey no ta culpa di alcohol. Nan a djis puntr’e
cual ta e problema.
“Dia 12 di november, 2017 algo horibel a pasa. Tur hende ta bisa cu e
momento ey e acusado tabata hopi agresivo y no por a razona cun'e.
Tambe el a bisa cu e arma uza a wordo haya na cas di e acusado, a haya
su paña na sanger y testigonan ta bisa cu e tabata e agresor di e caso di
asesinato aki. No tabatin ningun otro persona na e sitio cu e mesun tipo
di arma aki cu a causa un hinca di 15 centimeter. Despues cu el a haya
un canti man, el a bisa: "Un golpe asi se paga con la muerte." Despues el
a bisa e chauffeur di e otro auto "A ti tambien te quiero matar" y a core su
tras pa hink'e. Tur esaki, segun Fiscal, ta mustra con agresivo e tabata y
su intento di kita bida di e hendenan aki, di cual uno so a fayece. P'esey
e ta haya cu a keda proma e prome acusacion di asesinato y den e caso di
e herido intento di asesinato.
Tur hende ta bisa cu e victima ta un persona trankil y stima pa hopi
hende, No solamente famia a sufri un perdida pero tambe su amistadnan.
Bo a causa un daño ireparabel. Ningun castigo cu nos duna por kita e
dolor inmenso cu e morto di Mora a laga atras. E amigo herida ainda ta
biba den trauma. E acusado, e fiscal a sigui bisa, no tin un carchi castigo.
Pero esaki no ta importante pasobra el a cuminsa cu algo grandi. Teniendo
cu casonan similar na Aruba y otro islanan Hulandes, mi ta pidi Corte
impone un castigo di 15 aña. E acusado a sinta scucha e demanda aki sin
hik. Su Abogado mr. Mohamed a splica cu e acusado facilmente por a
huy, biahando pa exterior. Y ora cu el a haya sa cu nan ta buske, el a bay
entrega su mes. A wordo treci dilanti tambe cu ora el a haya un klap den
su cara, el a perde su consciencia, no su tino. Esey ta e motibo cu e no ta
corda kico a pasa despues.
Den su ultimo palabra e acusado a bisa: “No soy una persona agresivo.
Nunca tuve problema con la justicia ni en mi pais ni en Aruba. Si admiti
cu abuso del alcohol. Nunca pense en matar. Me estan acusando de
asesinato que no se si lo cometi o no,” el a bisa.
Hues a cera tratamento di e caso y lo dicta sentencia dia 14 di juni pa
8.15 di mainta.