Page 9 - AWEMAINTA
P. 9
Dialuna, 28 Mei 2018 AWEMainta 9
4 Compania a bid pa trucknan nobo di Serlimar
DIABIERNA mainta Notario mr. Ted Johnson
a presenta e companianan cu a pone nan bidding
pa compra di e diferente trucknan necesario pa
Serlimar.
E trucknan ta ensera 18
afvalinzamelingsvoertuigen, 4 roll on/off trucks
y 2 skidsteer loaders.
Un total di 4 compania a entrega bidding cualnan
ta: NV Arubaanse Wegenbouwmaatschappij,
R. E. Yrausquin & Sons (Aruba NV), Garage
Central Aruba y AIS Enterprises NV.
E siguiente paso aworaki den e proceso di
bidding cu a caba di tuma lugar p’e trucknan
nobo pa Serlimar ta, cu lo sinta cu e Notario
y traha un verslag pa despues repasa esaki cu e
comision di Serlimar cu ta consisti di e team di
maneho, expertonan di garashi y cu sosten di un
personal di DOW cu a traha e TOR pa Serlimar.
Ora cu esey tuma lugar, e fecha cu duna nan,
nan lo ricibi 9 luna pa nan por entrega tur e
makinaria cu a puntra. Nos ta bisa na ingles why
change a winning team, refiriendo n’e hecho cu e
ultimo trucknan di Serlimar a resulta hopi bon.
Pues a stipula algun criteria/standardnan cu e
companianan mester tene cuenta cu ne ora di a
presenta nan bidding.
