Page 89 - AHATA

largo-, tampoco por core pa e dunador di trabou. Sigur cu lo por debati riba e punto aki.

Pero ta existi un conexion entre e medidanan tuma pa combati e contagio di coronavirus

y e hecho cu no tin cliente. Manera a wordo menciona anteriormente, sin cliente no tin

trabou. E pregunta si un dunador di trabou a haci tur lo posibel pa baha e risico cu e

pandemia a trece cu ne, no lo por wordo contesta. Nos ta di opinion cu un pandemia ta un

risico excepcional cu no ta cay bou e risico normal di haci negoshi, y pa e motibo aki nos

ta conclui cu dunadornan di trabou tampoco ta responsabel pa e hecho cu no tin trabou, y
pa cual motibo “no work, no pay” ta hustificabel a lo largo. Uzo di articulo 1614b di

Codigo Civil mester sosode teniendo na cuenta kico ta rasonabel, permitibel y hustifica.

Esaki kiermen cu mester bay wak kico ta e mihor solucion cu por wordo tuma, prome cu

tuma e decision mas drastico, manera “no work, no pay”.

Un ehempel por ta: ahusta e orario di trabou proporcionalmente pa tur trahador door di

haci esaki menos, prome cu yega na haci uzo di “no work, no pay”. Sinembargo, e

situacion por cambia lihe door cu no tin cliente; e situacion/fase di ahustacion di cambio

di orario lo no ni wordo uza e ora. Tambe por pensa un situacion unda no ta para ful e

salario, pero por ehempel: lo paga solamente un porcentahe di e salario of ta paga

solamente e salario minimo. Tumando na cuenta cu e dunador di trabou por tin e derecho

di no paga salario, si trabounan no ta wordo

eherce, e por tuma e decision –mas humano- tambe di paga un parti di e salario. Mas cu

claro, esaki ta un mihor solucion social y moral a base di solidaridad, mirando e tempo

dificil cu ta aproxima. Sigur nos ta recomenda esaki como un solucion temporario.

Den conclucion: E dunador di trabou lo mester haci uzo di “no work no pay”, como

“ultimo remedio” y explora y considera otro solucionnan. Sea creativo! Pero si ta di spera

cu si e problema aki dura largo, eventualmente dunadornan di trabou ta bay yega na e

momento unda cu ya no tin otro opcion viabel y cu e dunador di trabou lo bay haci uzo

(parcial) di “no work, no pay” como un instrumento husto. E situacion lo por hustifica